Yohanes 7:6 - O GIKIMOI AWI JAJI ma BUKU

⁶ Komagena so Una wotemo onaka, “Ma ngale Ngohi manena tomasikelelo gena, ma orasi yaado waasi. Nako ngini gena, o orasi isigeto-geto ka daloha de aku nitagi o Yerusalemka,

Yohanes 7:6 Referans Kwoze

Yohanes 7:8

So ngini o rarame magenaka nitagi nidoma. Ngohi totagi waasi, sababu ma ngale Ngohi tomasikelelo gena ma orasi yaado waasi.”

Yohanes 2:4

De Una wotemo, “Ai awa, nako ngona eko Ngohi gena, upasi pocapu, sababu to Ngohi Ai orasi gena yaado waasi.”

Yohanes 7:30

Awi demo komagena so gila-gila ona yadahake Una iwitago, duma o nyawa moi lo yaakuwa Una witago, sababu Awi orasi Una wosone gena yaado waasi.

Yohanes 17:1

Daboloka, de o Yesus womamataga o sorogaye de wosumbayang wotemo, “Baba, igogou ma orasi he yaadoka gena Ngohi bilasu isangisara sidago lo tosone. So togolo tanu Ani Ngopa Ngohi manena Ai kuasa ilalamo asa o nyawaka nasikelelo, la ma ngale Ngohi lo aku Ngona Ani kuasa ilalamo tasikelelo onaka.

Yohanes 13:1

O Paskah ma Wange ma Rarame gena he yaadoka, so ma langino de o rarame ma ino yaodo, de o Yesus gena wanakoka Awi orasi imasidiadoka, ma ngale Una o dunia manena bilasu wodongosa de woliho wokahie ma Babaye. Una Awi muri-muri masirete igogoge o duniaka, ona magena wadodaraka so kanaga Una Awi edekati wasikelelo Awi muri-murika to Una Awi dodara gena foloisi ilamo onaka.

Yohanes 8:20

Una Awi demo gena dangodu ona wasingangasuka, gena o Gikimoi Awi Tahuka, kiaka o nyawa manga suba o pipi ma boruaku yongangado kagena ma dateka. O orasi magena imaaka gena, ngaroko o nyawa itemo done asa Una iwitago, duma to Una Awi sone ma orasi gena yaado waasi so magena yaaku waasi yaaka.

Matius 26:18

So Una wosulo, “Nitagi kadoka o dokuka done o nyawa moi niwimake de nitemo unaka, ‘Baba Guru wotemo: Ai orasi yaadoka. Ngohi todupa tosilamo o Paskah ma Wange to ngona ani tahuka dede Ai muri-muri mingodu bai!’ ”

Rasul 1:7

De o Yesus wosango wotemo, “Bilasu upa ngini nianako muruoka ma orasi eko lo ma wange, magena ai Baba Awi haku so Una masirete asa wositatapu.