Yohanes 7:12 - O GIKIMOI AWI JAJI ma BUKU

¹² Kagena o nyawa yadadala manga sidongirabaka kanaga lo ma ngale Una iwisibicara gena ka imatekegogurubu moi de moika, duma ma binuka itemo, “Una Awi sininga daloha.” Ma binukali itemo, “Hiwa! Igogou, Una o nyawa wokokulai, wodupa o nyawa wasihaga.”

Yohanes 7:12 Referans Kwoze

Yohanes 9:16

So o Farisika ma binuka itemo, “Nako o Sabat ma wangeka de waaka komagena, de upa wotemo Una o Gikimoino, sababu Una nanga adati de nanga galepu magena watilakuka.” Duma kanaga ma binukali itemo, “He! Nako Una witotorou gena, waakuwa waaka komagena.” Ibicara komagena sidago lo o Farisika ma nyawa gena imatekesikoholu.

Yohanes 7:47

Kagena de o Farisika ma nyawa itemo, “Awadede! Ngini lo asa Una winikulaika.

Yohanes 7:32

Komagena so ma ngale Una gena ona imatekesigurubu moi de moika, duma to ona manga bicara magena o Farisika ma nyawa ona yoiseka. So o Farisika ma nyawa magena imatekebicara dede o imamka ma bi sahe. So imatekebicara daboloka, de ona yangodu magena itagi imakangaho o Gikimoi Awi Tahu yojojajagaka, de itemo onaka, “Nitagi la ngini bilasu o Yesus niwitago.” So yojojajaga ona magena yasulo ma ngale o Yesus witago.

Filipi 2:14

O bi moi-moi dangodu nia manara ma rabaka gena, upa ngini nifeto eko lo nimatekesikoholu moi de moika.

Roma 5:7

Nagala mamoi-mamoi aku idadi o nyawa kanaga ibarani cawali o nyawa awi sininga daloloha gena sidago una womasosone. Nakoso ma ngale o nyawa ngaroko manga sininga itotiai gena, igogou o nyawa lo isusa pamake kanaga ona yodupa yosone.

Yohanes 7:52

Ona iholu so itemo, “Ilaha! So ngona gena o Galileaka ma nyawa? Ngaroko ngona masirete lo o Gikimoi Awi Jaji ma Buku natailakoka, duma ma rabaka ngona namakewa ma ngale Awi nabi gena o Galileano.” [

Yohanes 6:14

So o nonako magegena Una waakaka to ona manga simaka, de o nyawa ona magena asa yotemo moi de moika, “Awalele! O nyawa Una manena igogou o nabi moi o Gikimoi wojajaji idomaka wotemo igogou Una asa wahino o duniaka.”

Lukas 23:50

Kanaga o nyawa moi awi ronga o Yusuf o Arimatea ma dokuno o Yudea ma daeraka. Una magena o nyawa ma loha moi de lo wododamaha o Gikimoi Awi orasi wopareta maro o kolano moi. Ngaroko una lo o Mahkamah Agama ma nyawa moi, duma una wosimotewa manga edekati de manga manara magena ma ngale o Yesus bilasu witooma.

Lukas 23:47

O prajurit-prajurit manga kapita moi o kia naga idadadi magena wakelelo, de una o Gikimoi wigiliri, de wotemo, “We! O nyawa Una manena igogou Awi sala ihiwa!”

Lukas 18:19

“Dadoohaso ngona notemo Ngohi Ai sininga daloha. Kanena moiwa manga sininga daloloha, cawali o Gikimoi masirete.

Lukas 7:16

Kagena de o nyawa yangodu yohairani so iwisigiliri o Gikimoi, de yotemo, “Wewe! O nabi wilalamo moi womasinako to ngone nanga sidongirabaka. Igogou, o Gikimoi wahino o loha waaka Awi nyawaka.”

Lukas 6:45

Komagena lo o nyawa o duniaka. O bi nyawa ma loha gena igogou o demo daloloha yobicara, sababu manga sininga ma rabaka o bi moi-moi daloloha yadiahi. O bi nyawa ma dorou gena manga bicara lo datorou, sababu manga sininga ma rabaka o bi moi-moi datotorou yadiahi. Sababu o kia bato manga sininga ma rabaka, magena asa isupu so yosibicara.”

Matius 27:63

de itemo, “Baba Gubernur, ngomi miosininga ma orasi wokokulai magena ka woohosi, de Una wotemo, ‘O wange saangeka de Ngohi tooho kali.’

Matius 21:46

So kagena de o Yahudika manga roriri imasikadailako la tanu Una iwitago. Duma ma ngale ona yamodo o bi nyawa yadadala, so ona idadi kawa yaaka, sababu yadadala gena itemo Una magena o nabi moi.

Matius 10:25

Ka daloha nakoso idadi o muri moi womaaka maro awi guru, de lo nakoso woleleleani moi womaaka maro awi tuangi. So nimajaga igogou, sababu Ngohi gena to ngini nia Jou, de ngini gena to Ngohi Ai nyawa imomote. Nakoso Ngohi isiaso o Beelzebul, o Iblis la kanaga o bi toka dangodu wakokolano, de ma boboloili ngini Ngohi nimomote done asa o ronga inigaka foloi datorou.”