Yohanes 7:1 - O GIKIMOI AWI JAJI ma BUKU

¹ O Yesus o Yudea ma tonaka wogoge kawa, sababu kanaga o Yahudika manga roriri yamuruo naga manga edekati itemo Una iwitooma. So daboloka, Una asa wotagi wahika de wahino o Galilea ma tonaka wakokiloli.

Yohanes 7:1 Referans Kwoze

Matius 21:38

Duma imomanara ona magena wikelelo de itemo moi de moika, ‘Una magena bai! Una o warisi ma jojoho. Hino la ngone una powitoomaka, ma ngale ngone pamake to una awi warisi.’

Yohanes 7:19

De nako ngini gena o Gikimoi Awi demo o Musa winidelefo daboloka, duma nia sidongirabaka gena moi lo waali yamote yokaeli. Nakoso ngini nia manara komagena, de dadoohaso ngini nia edekati gena Ngohi manena nitooma.”

Matius 10:23

Nakoso o doku moika ngini inisangisara, de hika niloda o doku ma somoa kali. Ngini tinisingangasu igogou, ngini o habari daloloha nisihabari o Israel ma bi dokuka dangodu waasi, de Ngohi o Nyawa ma Duhutu asa tahino kali.

Rasul 10:38

Ena gena, idodooha o Yesus o Nazaret ma nyawa o Gikimoi Una iwihirika, so wihike o Gurumi Datetebi de lo o kuasa. De wotagi o doku wakokiloli o nonako ihahairani waaka o bi nyawa manga simaka, de o bi nyawa o Iblis yapopareta ona magena lo yadala wasilohaka, sababu o Gikimoi dede Una.

Yohanes 4:54

So o orasi magegena o Yesus kanaga o Yudea ma tonaka de woliho womasidiado o Galileaka gena, he ma para ma sinotoka o nonako ihahairani waaka.

Yohanes 1:19

O orasi moi de kanaga o Yahudika manga roriri o Yerusalem ma kotaka gena, o imam de lo manga sidongirabaka o Lewi awi ngopa de awi danoku ona magena yamuruo naga yasulo la itagi o Yohanes wikurumi. O bolu moi magena asa yahino manga sosano yaaho so unaka itemo, “Baba, ngona gena naguuna sidago o moi-moi manena naaka.”

Yohanes 8:40

Ngaroko komagena, o orasi manena ngini de nia edekati datotorou nitemo gena Ngohi asa nitooma, ngaroko Ngohi todupa tinisingangasu nginika o bi moi-moi itototiai o Gikimoi woidodedemo Ngohika. O manara maro komagena kanaga o Abraham waakawa.

Yohanes 8:37

Ngohi gena ngini tininakoka igogou o Abraham awi ngopa de awi danoku. Duma ngaroko komagena, ma sababu ngini o bi moi-moi Ngohi tinidodotoka gena niamote niholu, so ma ngale Ngohi gena to ngini nia edekati nitemo asa Ngohi nitooma.

Yohanes 7:25

Magena de o Yerusalemka ma nyawa yamuruo naga imatekebicara itemo, “Ce! O nyawa Una magegena nagala ona yodupa iwitooma bai!

Markus 11:18

O imamka ma bi sahe de o bi guru agama yoise Awi demo magena, so o ngeko isisari la Una witago de witooma. Ona magena wimodo Unaka sababu o nyawa yadadala foloi yodupa to Una Awi dodoto yoise.

Yohanes 6:1

So daboloka, de o Yesus de Awi muri-muri yokahika o Galilea ma Talaga ma sonongaka, o talaga magena isironga lo o Tiberias ma Talaga.

Yohanes 7:11

Una wotagi wahika ka ma soa kasi so womasidiado waasi, de o rarame ma sidongirabaka gena kanaga o Yahudika manga roriri ona magena igogou Una asa wisari so imatekekasano itemo, “Una kanaga, eko wihiwa.”

Yohanes 7:13

Duma kanaga o Yahudika ma nyawa moi lo waali ibarani wisibicara isitotiai ma ngale Una magena, sababu ona ifoloi yamodo manga roririka.

Yohanes 7:35

So Una Awi demo gena yoiseka, de o roriri magena imatekebicara itemo, “Wotemo kekiaka wotagi sidago kagena de ngone paakuwa powimake. Igogou, Una asa wotagi o Yahudi ma nyawa ma binukaka, kekiaka ona yodobiau o tona ma somoaka, la kagena ona o Yahudika ma nyawa yasowo wadoto, eko kiaka wotagi.