Yohanes 6:7 - O GIKIMOI AWI JAJI ma BUKU

⁷ De o Filipus wotemo Unaka, “Baba, ngaroko o nyawa manga gaji ilamo de o pipi magena o roti posiija, duma imakaadowa. Ngaroko o roti ma cunu pahike, duma imakaadowa, sababu ona magena yadala poli bai!”

Yohanes 6:7 Referans Kwoze

Markus 6:37

Duma Una wotemo, “Ngaroko he upa! La ngini bato niasiodo.” De ona itemo, “Nakoso o nyawa manga dala manena de miasiodo gena, ma pipi o kiaka podehe de o roti miija la miasiodo!”

Yohanes 12:5

“Ce! Dadoohaso posiijawa o gososo dabobou magena, la ma ngale ma pipi gena aku o nyawa isususaka pahike. Ma ija gena nagala pahali-haliku.”

Matius 18:28

Daboloka, de o gilalo magena wosupu de una imakamake de awi dodiao moi ka wogogilaloli, awi nagi unaka cawali o pipi o cala muruo naga. De una awi dodiao gena witago de wigohore, de lo witemo, ‘Ce! Ani nagi dangodu bilasu nofangu!’

Yohanes 1:43

De ma goginita noli, de o Yesus wositatapuka asa o Galilea ma tonaka wotagi. So womajoboka, de kanaga o nyawa moi awi ronga o Filipus wikelelo so wiaso, de witemo unaka, “Hino la tanu ngona lo noimote Ngohi.” So una lo o Yesus iwimote.

Yohanes 1:44

O Filipus una magena wogoge o doku moika, kiaka imatero de o Andreas de lo o Petrus manga doku, ena gena o Betsaida ma dokuka.

Yohanes 1:45

De o Filipus asa to ona manga dodiao moi o Natanael wimake de wotemo unaka, “He! Ngomi gena miwimakeka Una magena o Salamati ma Kolano, kiaka o Musa de lo o bi nabi-nabi idodomaka gena o Gikimoi Awi Buku ma rabaka isilefoka. Una magena miwikeleloka bai! Una magena o Nazaret ma nyawa moi o Yusuf awi ngopa.”

Yohanes 1:46

O Natanael woise de wotemo, “Ce! Idodooha so o loha de ma sihino o Nazaretno.” Dabolo de o Filipus wotemo, “Hino, potagi la ngona lo aku nowinano.” So ona imajobo.

Yohanes 1:48

So o Natanael wosano wotemo o Yesuska, “Baba, idomaka kiaka pomakamake so Ngona aku notemo ngohi noinakoka.” So o Yesus wotemo unaka, “Baba, idomaka o Filipus ngona woniaso waasi, de Ngohi tonikelelo ngona nomataru o ara ma hutu ma litimika nomatamiku.”