Yohanes 6:5 - O GIKIMOI AWI JAJI ma BUKU

⁵ So kagena Una de Awi muri-muri igogeku de Una womaginano Awi simaka, kanaga o nyawa manga dala icarawa yahino Unaka, so Una wobicara o Filipuska wotemo, “Awalele! Hika nanano o nyawa manga dala manena, so kekiaka aku o roti poija la ona yangodu pasiodo.”

Yohanes 6:5 Referans Kwoze

Matius 15:33

Una Awi muri-muri isango itemo, “Baba, o riho manena imatinga-tingano. De o ino kiano pamake la o nyawa yangodu manena pasiodo.”

Yohanes 4:35

Ma biasa ma orasi nia doro niodato daboloka, de ngini nitemo, ‘O ngoosa iha ma simaka gena ma orasi poutu.’ Duma Ngohi tinidedemo nginika, hika ngini nia lako niapelenga de nia doro nianano kasi. Sababu o sopo magena daomuka so aku niautu, ena gena o nyawa la kanaga Ai demo yodupa yosigise.

Yohanes 1:43

De ma goginita noli, de o Yesus wositatapuka asa o Galilea ma tonaka wotagi. So womajoboka, de kanaga o nyawa moi awi ronga o Filipus wikelelo so wiaso, de witemo unaka, “Hino la tanu ngona lo noimote Ngohi.” So una lo o Yesus iwimote.

Markus 6:32

Magena de imajobo o deruku ipane so imatinga o riho moi imatitingano.

Lukas 9:10

La o Yesus Awi sosulo yamogiowo de sinoto asa iliho ikahino kali, so Unaka imatolomu de ona o manara yaaaka dangodu isingangasu Unaka. Dabolo de Una ona wangaho la itagi imatinga o tona ibobeleu moika o Betsaida ma doku gena he idumuka.

Yohanes 1:44

O Filipus una magena wogoge o doku moika, kiaka imatero de o Andreas de lo o Petrus manga doku, ena gena o Betsaida ma dokuka.

Yohanes 1:45

De o Filipus asa to ona manga dodiao moi o Natanael wimake de wotemo unaka, “He! Ngomi gena miwimakeka Una magena o Salamati ma Kolano, kiaka o Musa de lo o bi nabi-nabi idodomaka gena o Gikimoi Awi Buku ma rabaka isilefoka. Una magena miwikeleloka bai! Una magena o Nazaret ma nyawa moi o Yusuf awi ngopa.”

Yohanes 1:46

O Natanael woise de wotemo, “Ce! Idodooha so o loha de ma sihino o Nazaretno.” Dabolo de o Filipus wotemo, “Hino, potagi la ngona lo aku nowinano.” So ona imajobo.

Yohanes 1:48

So o Natanael wosano wotemo o Yesuska, “Baba, idomaka kiaka pomakamake so Ngona aku notemo ngohi noinakoka.” So o Yesus wotemo unaka, “Baba, idomaka o Filipus ngona woniaso waasi, de Ngohi tonikelelo ngona nomataru o ara ma hutu ma litimika nomatamiku.”