Yohanes 6:11 - O GIKIMOI AWI JAJI ma BUKU

¹¹ So kagena de Una Awi sukuru watide o Gikimoiye, de asa o roti ngai motoha magena wahike Awi muri-murika la ona yasitoku o nyawa yadadalaka magena. Komagena lo o nao ngai sinoto waaka so yasitoku o nyawa yadadalaka magena. De o nyawa yadadala magena yoodo sidago yapunu.

Yohanes 6:11 Referans Kwoze

1 Tesalonika 5:18

de o susa eko lo o loha o kia naga ma rabaka bato niadupa nisumbayang, “Ya, Jou! Ani laha ka ilamo poli.” Sababu o Yesus Kristus wonasikeleloka o moi-moi magegena o Gikimoi wodupa so bilasu ngone paaka.

Roma 14:6

Sababu o nyawa la kanaga o wange yahihiri, ona magena yahiri la ma ngale o Jou iwihoromati. De o nyawa la kanagali o kia bato yaoodo, ona magena lo yaodo la ma ngale o Jou iwihoromati, sababu ma ngale manga ino gena ona yodupa manga sukuru Unaka yatide. De lo o nyawa la kanaga ka o gaahu yaoodo, ona magena lo yaaka la ma ngale Una iwihoromati, de ona lo ma ngale manga ino gena yodupa manga sukuru yatide Unaka. So o moi-moi yaaaka gena upa potemo isala.

Matius 15:36

De o roti ngai tumudingi magena de lo o bi nao magena wadehe so Awi sukuru watide o Gikimoiye. Dabolo de watepi-tepi de to Una Awi gia, so wahike Awi muri-murika la ona isitoku o nyawa yadadala magenaka. So Awi muri-muri ona yaaka maro o kia Una wasulo.

Lukas 24:30

Ma orasi ona imatamiye la yoodo, de Una o roti wadehe Awi sukuru watide o Gikimoiye, de watepi-tepi, dabolo de wasitoku onaka.

1 Korintus 10:31

Duma ngohi tosango totemo o kia bato paaaka, ngaroko poodo eko poudo gena, o bi moi-moi dangodu ma rabaka hika paaka la aku o Gikimoi wihoromati de wigiliri.

Rasul 27:35

So o Paulus wotemo komagena dabolo, gila-gila ona yangodu manga simaka o roti ngai moi wadehe de awi sukuru watide o Gikimoiye asa o roti magena watepi-tepi, de una masirete waodo wodoma.

Yohanes 6:9

“Kanaga o ngopa yanau moi kagena de awi roti, duma ka ngai motoha de awi nao lo ka ngai sinoto. So igogou ma ngale lo ihiwa de o kia naga moi paakuwa paaka dede o nyawa manga dala komanena.”

Yohanes 21:9

So ona yaadoka, de o deruku youti de ona yakelelo, eh, kagena de o nao o uku ma ngabo ma dokuka de lo o roti.

Yohanes 21:10

De o Yesus wotemo onaka, “O nao niasosomaka gena hitilahi ngai muruo naga hika niadehe de niaahono kanena.”

Yohanes 21:13

So o Yesus wahika, o roti wadehe de wasitoku onaka, komagena lo o nao so ona yaodoka.