Yohanes 5:16 - O GIKIMOI AWI JAJI ma BUKU

¹⁶ Komagena o Sabat ma wangeka de o Yesus una wisilohaka, so ma ngale magegena o Yahudika manga roriri asa o Yesus wisitobio.

Yohanes 5:16 Referans Kwoze

Yohanes 15:20

Niososininga to Ngohi Ai demo tinisingangasu idoma nginika gena, ‘O nyawa la ibileleleani, ona yaakuwa itemo ona dede una wapopareta gena, ona foloisi yolamo. Yaakuwa yotemo komagena.’ Komagena so, nakoso o nyawa o duniaka ona Ngohi isangisaraka, done ona asa ngini lo inisangisara. De lo nakoso ona la kanaga to Ngohi Ai dodoto yosigise, de komagena to ngini nia dodoto lo asa ona yosigise.

Yohanes 10:39

Magena yoiseka, de ma moili ona gila-gila widahake iwitago Una, duma imatodoka gena wihiwaka, manga sidongirabano Una womasisa de womajoboka.

Yohanes 7:25

Magena de o Yerusalemka ma nyawa yamuruo naga imatekebicara itemo, “Ce! O nyawa Una magegena nagala ona yodupa iwitooma bai!

Yohanes 5:13

Duma una asa he winako kawa, sababu ma orasi o Yesus wisiloha gena, to Una Awi ronga wodedemo waasi de wotagi womasicapu o nyawa yadadala manga sidongirabaka.

Lukas 6:11

Kagena de o bi Farisika de lo o bi guru agama ona magena igogou yatoosa bai! So ona itagi imatekefakati, la ma ngale o kia bato aku yaaka o Yesuska.

Markus 3:6

Kagena de o bi Farisika o puji ma tahuno isupu de itagi gila-gila, so de o Herodes awi nyawa yamuruo naga de imatekesikagaro de imatekefakati, la ma ngale o Yesus witooma.

Matius 12:13

De o Yesus wotemo o nyawa awi gia ma sononga isosoneka gena, “Ani gia natoano.” De una awi gia watoa, de o orasi magena dabolo awi gia gena lo dalohaka, maro awi gia ma sonongali.

Yohanes 1:19

O orasi moi de kanaga o Yahudika manga roriri o Yerusalem ma kotaka gena, o imam de lo manga sidongirabaka o Lewi awi ngopa de awi danoku ona magena yamuruo naga yasulo la itagi o Yohanes wikurumi. O bolu moi magena asa yahino manga sosano yaaho so unaka itemo, “Baba, ngona gena naguuna sidago o moi-moi manena naaka.”

Yohanes 5:10

So kanaga o Yahudika manga roriri yamuruo naga gena iwikelelo una wisiloloha awi jongutu watoti, de ona iwisidapano itemo, “Dadoohaso ngona o Sabat ma wangeka de ani jongutu natoti. Sababu nanga adati de nanga galepu gena itemo upa paaka komagena o Sabat ma wangeka.”

Yohanes 5:15

So una magena womajobo wokahika o Yahudi ma nyawa manga roririka, de wosingangasu wotemo, “O nyawa kiaka ngohi woisilohaka gena Una magena Awi ronga o Yesus.”

Yohanes 5:17

De Una wasingangasu onaka wotemo, “O wange isigeto-geto gena Ai Baba womanara sidago lo o Sabat ma wangeka. So Ngohi lo bilasu o wange isigeto-geto Ai manara taaka de akuwa tomatogu.”

Yohanes 5:18

De ma sababu komagena so asa o Yahudika manga roriri to ona manga duhudu Unaka gena foloisi idogo, sidago manga edekati gena igogou Una bilasu iwitooma. Ma sababu gena manga bobita o Sabat ma wange magena Una watilakuka de lo maro womasitero Una dede o Gikimoi ka imaketero, so Una o Gikimoi wiaso lo Awi Baba. Komagena so ona itemo magena o dorou waakaka, so bilasu iwitooma.

Yohanes 7:21

So wotemo, “Ngohi gena o nonako ihahairani moi taaka idomaka o Sabat ma wangeka, de ngini ningodu ka niohairani de magena niodupawa.