Yohanes 4:53 - O GIKIMOI AWI JAJI ma BUKU

⁵³ De ma baba una womasininga de wanako igogou, sababu o orasi magena de o Yesus wotemo unaka, “Ani ngopa wilohaka.” So kagena de o ngopa magena ma baba de ma awa de awi tahu ma raba yangodu lo o Yesus iwipiricayaka.

Yohanes 4:53 Referans Kwoze

Lukas 19:9

De o Yesus wotemo, “O wange manena dabolo ngona de ani tahu ma rabaka lo ningodu o Gikimoi asa winisisalamati, sababu igogou ngona manena lo o Abraham awi ngopa de awi dano moiku.

Rasul 18:8

So o puji ma tahu ma sahe moi, awi ronga o Krispus, una magena de awi tahu ma raba yangodu o Jou Yesus iwipiricayaka, de lo o Korintuska ma nyawa yadadala o Yahudika yasowo ona o Paulus wisigise so o Jou Yesus iwipiricaya de yaosika.

Rasul 16:34

Dabolo de o Paulus de o Silas wangaholi awi tahuka, de o ino wahike so kagena ona iodo. De una de lo awi nyawa o tahu ma raba moi o Gikimoi iwipiricayaka, so ona yangodu yanali de imamore icarawa.

Rasul 11:14

Una asa o habari daloloha wonidedemo ngonaka, la ngona de ani tahu ma raba moi nisalamati.’

Rasul 16:15

So ongo Lidia de ami tahu ma raba moi ona lo yaosi daboloka, de muna asa momikoro de momiaso motemo, “O dodiao, ngini ninako igogou ngohi o Jou Yesus towipiricayaka, nako daloha de tanu niahino la ai tahuka nimasidodogu.” So komagena muna momigegego sidago ngomi to muna ami tahuka mimasidodogu.

Rasul 2:39

Sababu o Gikimoi Awi jaji done asa o Gurumi Datetebi wahike gena, ma meta nginika sidago nia ngopa de nia danoku de lo ma meta o bi nyawa yangodu kanaga manga riho ikukuruka, ena gena nagoona bato nanga Jou Gikimoi wodupa waaso so ona yahino Unaka.”

Matius 8:13

Dabolo de ma kapitaka o Yesus wotemo, “Notagi noliho bato! Sababu maro o kia ngona nopipiricaya magena asa igogou idadi.” De o orasi magena bato awi leleani gena wilohaka.

Yohanes 4:52

De una wasano onaka, “O cako muruoka de ai ngopa wiloha.” De ona yosango, “Kagunugo o cako moi o wange itotiai de awi sosahu isisaka.”

Yohanes 4:51

Kagena de woliho so o ngeko ma soaka, de awi nyawa asa wisibubusu so wisingangasu itemo, “Igogou, ani ngopa wilohaka.”