Yohanes 4:25 - O GIKIMOI AWI JAJI ma BUKU

²⁵ So o ngopedeka muna magena mobicara kali motemo, “Ngohi tanako o Salamati ma Kolano, Una magena wisiaso ma Kristus, done asa wahino, la ma orasi womasidiado, de Una masirete o bi moi-moi dangodu magena asa womidoto ngomika.”

Yohanes 4:25 Referans Kwoze

Yohanes 1:49

Kagena de o Natanael wotemo, “Wewe! Baba Guru, so Ngona ka noinako bai! Igogou-gogou, Ngona gena o Gikimoi ma Ngopa. Ngona manena o Israelka ma nyawa manga Kolano.”

Yohanes 4:42

De ona asa o ngopedeka magena imidedemo itemo, “Ma sababu ma nonoma gena ngona nomisingangasu so Una miwipiricaya, duma o orasi manena ngomi Una miwipiricaya sababu ngomi masirete lo asa miwikelelo de miise ka Unano. So ngomi aku mianako igogou Una asa o bi nyawa o dunia manena ma dokuka manga dorouno wasisalamati.”

Yohanes 4:29

de motemo, “Niahinosi! La potagi nanga sumuka de kagena o nyawa moi niwikelelo. Ngaroko ngohi woinako waasi, duma Una aku ka wanako to ngohi ai manara moi-moi idodoma taaakaka, so magena dangodu woisingangasu ngohika. Igogou, Una magena o Salamati ma Kolano, eko idodooha.”

Matius 1:16

Kagena de o Yakub ma ngopa yanau o Yusuf, de o Yusuf gena ongo Maria ma roka, muna magena mowisibubuo o Yesus, Una magena o Salamati ma Kolano.

Yohanes 4:39

De kanaga o Samariaka ma nyawa o doku magegenaka igogoge gena, ona yadala asa Unaka wipiricaya, sababu to muna ami demo ma orasi mosingangasu motemo, “Una aku wanako de ngohi woisingangasu idodooha to ngohi ai manara moi-moi idodoma taaakaka.”

Matius 27:17

O nyawa yadadala imatolomuno o Pilatuska, de o Pilatus wasisano onaka, “Ngini nimode ngohi naguuna towipalako nginika. O Barabas, eko o Yesus iwiaso lo ma Kristus.”

Matius 27:22

O Pilatus wosano kali, “Nako komagena, de ngini niodupa ngohi o kia taaka kiaka ngini niwiaaso Una manena ma Kristus.” De ona yangodu imatoore itemo, “Una bilasu iwisidasangahadi!”

Lukas 2:11

O putu manena kagena ma kolano Daud awi doku o Betlehemka o ngopa yanau moi wisibuo. Una magena wodadi o kolano la ma ngale ngini o dunia ma nyawa nia dorouno bilasu winisisalamati, ena gena ma Kristus, nanga Jou.