Yohanes 4:15 - O GIKIMOI AWI JAJI ma BUKU

¹⁵ So motemo, “Wewe, Baba! Tanu Ngona o ake magegena ngohi lo noihike taudo, la ai kiri upa he dadudu kali de ngohi lo upa he tahino kali kanena o ake tomasiui.”

Yohanes 4:15 Referans Kwoze

Yohanes 6:34

“Baba, nakoso kamagena de tanu Ngona nomihike o roti magegena.”

Roma 8:5

O nyawa la kanaga o dorou ma dupa manga sininga masireteka yosigise, de ka cawali magena ona yosininga. Duma o nyawa la kanaga o Gurumi Datetebika iwisigise, de o kia o Gurumi Datetebi wodupa gena o nyawa ona magena yosininga.

Roma 6:23

So upa sidago ngone potemo, “Nagala daloha so ngone o dorou ka paakasi.” Sababu o dorou ma manara ma sopo gena ka cawali o oho ka sidutu ikakali niamake waasi so ngini de o Gikimoi nimakitingaka. Ngaroko komagena, duma o Gikimoi ngone wonasitodihike o oho ka sidutu ikakali, ka cawali nakoso ngone dede o Yesus Kristus nanga Jou pomatekerimoika.

Yohanes 6:26

De Una wotemo onaka, “Ngini gena upa ka o nonako ihahairani Ngohi taakaka so ngini manena nisari, duma magena igogou ma ngale ka o roti tinisiodo sidago nipunuka, ma sababu kamagena so ngini asa Ngohi nisari.

1 Yohanes 5:20

De ngone lo panako o Gikimoi ma Ngopa wahino daboloka, de Una lo wonasinako ngoneka la ngone gena de o Gikimoi wototiai igogou powinakoka. Ngone de o Gikimoi gena pomatekerimoika, de ngone lo dede ma Ngopa o Yesus Kristus lo pomatekerimoika. So, ai ngopa-ngopa tinisosininga, igogou-gogou ma Kristus Una magena o Gikimoi wototiai de Una magena lo o oho ka sidutu ikakali.

Yakobus 4:3

De nakoso ngini la o Gikimoika nigolo de o moi-moi nigogolo gena asa niamakewa, sababu nigolo de nia edekati datorou. Ngini nigolo de nia edekati ma ngale o moi-moi nionyafusu gena niapake la aku ka ngini masirete nimasisanangi.

1 Korintus 2:14

Nakoso o nyawa la kanaga o Gurumi Datetebi Una magena iwimotewa, de ona lo o dodoto o Gurumi Datetebino gena yadehe yoholu, sababu o dodoto magena ona yatemo ka o nyawa ifufuma manga demo. Ona magegena akuwa yanako itiai, ka cawali ona kanaga o Gurumi Datetebi iwimote so manga siningaka aku o dodoto magena wosingosa.

Yohanes 4:16

Kagena de wotemo kali munaka, “Awa! Hika ngona notagi ani roka nowingoso la ngini nikahino kali Ngohino.”

Yohanes 6:35

Wotemo, “Ngohi gena tomasitero maro to ngini nia roti, sababu nakoso o roti la o nyawa yaodo gena, ona aku ioho. Komagena lo o nyawa nagoona la yahino Ngohika de kanaga Ngohi ipiricaya, ona magena asa he yasapi kawa de lo manga kiri dadudu kawa.