Yohanes 4:10 - O GIKIMOI AWI JAJI ma BUKU

¹⁰ Duma Una asa wotemo munaka, “Nakoso ngona gena nanako o kia naga o Gikimoi Awi ngongike o nyawaka, de lo nakoso ngona Ngohi noinakoka o ake togogolo Ngohi manena gena naguuna, ngona lo asa o ake nogolo kali Ngohino, kekiaka de o ake magena o nyawa aku o oho ma duhutu yamake.”

Yohanes 4:10 Referans Kwoze

Yohanes 4:14

Duma nakoso o nyawa la kanaga o ake Ngohi tahihike gena yaudo, ka ma moi yaudoka de isidadu kawa. Sababu o ake magegena imadadi maro o jobubu moi ona manga rohe ma rabaka, de nogena asa isupu la yamake o oho ka sidutu ikakali.”

Gogelelo 7:17

Sababu o Duba ma Goho Una kanaga o pareta ma kursi ma dateka, Una magena asa ona wajaga de watuda, de lo o ake ma jobubuka wangaho so yaudo la ona asa o Gikimoi Awi dateka ioho ka sidutu ikakali. Gena imatero maro o sowohi moi so awi duba-duba wajaga de lo watuda o ake ma jobubuka la wosiudo lo damatawa. De o Gikimoi Una magena to ona manga kongo manga lakoka dangodu gena asa wapiki.”

Gogelelo 21:6

De Ngohi lo tonidedemo o bi moi-moi taaaka dangodu itiai de daboloka. Ngohi manena Ai kuasa ma bati lo ihiwa, de Ngohi lo kanaga ma nonomaka, de lo ma dodoguka de lo asa tooho ma dodogu lo ihiwa. So Ngohi o oho ma gola gena asa taaka, so nakoso o nyawa la Ngohi gena idupa, de Ai dateka ona magena asa ioho ka sidutu ikakali. Maro o nyawa la kanaga manga kiri dadudu done tahike la o ake youdo, de o ake ma jobubuno magena yahike ma ngale upa he ona yafangu.

Yohanes 3:16

Sababu igogou-gogou o Gikimoi foloi wadodara o bi nyawa o dunia ma rabaka, so Una asa Awi Ngopa masirete wihike, ngaroko Awi Ngopa magena to Una Awi Ngopa yanau womatetengo. La o nyawa nagoona Awi Ngopaka magena iwipiricaya, de ona magena upa yasisa, duma yamake o oho ka sidutu ikakali.

Gogelelo 22:17

O Gurumi Datetebi de o jojaru muna o Duba ma Goho womijajaji done wokawi, ona magena asa itemo, “Niahinosi!” De o nyawa la kanaga o demo moi-moi gena yoiseka, bilasu ona magena lo itemo, “Niahinosi!” De o nyawa nagoona la kanaga manga kiri dadududu, hika ona magena yahinosi. So o nyawa nagoona bato la nakoso ponyafusu, hika o oho ma ake ma jobubu gena o nyawa yaudo la yasioho ka sidutu ikakali, de magena pofangu lo waali.

Roma 8:32

Una gena Awi Ngopa masirete magena womasitouna kawa de wonasitodihike ngoneka, sidago lo bilasu ma Ngopa wosone bai! So nakoso wonahike komagena, de igogou Una lo asa wonasitodihike ngoneka o bi moi-moi dangodu de kanaga ma somoasi.

Yohanes 6:35

Wotemo, “Ngohi gena tomasitero maro to ngini nia roti, sababu nakoso o roti la o nyawa yaodo gena, ona aku ioho. Komagena lo o nyawa nagoona la yahino Ngohika de kanaga Ngohi ipiricaya, ona magena asa he yasapi kawa de lo manga kiri dadudu kawa.

Yohanes 17:3

De o oho ka sidutu ikakali magena ma ngale ona gena aku ininako igogou Ngona o Gikimoi nomatetengo, de lo inako Ngohi gena o Yesus Kristus Ngona noisusuloka so tahino.

Yohanes 6:51

Ngohi manena, o oho ma hutu magena, o roti o sorogaka de tahino so o nyawa ona nagoona la o roti manena yaodo, gena to ona manga oho ka sidutu ikakali. O roti magena to Ngohi Ai rohe masirete, de magena Ngohi tahike ma ngale ona o nyawa o duniaka la ona asa yamake o oho ma duhutu.”

2 Korintus 9:15

Hino la ngone nanga sukuru patide o Gikimoika, sababu igogou to Una Awi ngongike gena daloha icarawa.

Lukas 11:13

So ngini o nyawa, ngaroko nia sininga itiai waasi, duma kanaga o kia naga daloha niahike nia ngopaka. Nako komagena niaaka, de ka igogou o Gurumi Datetebi lo nia Baba o sorogaka asa wahike nakoso o nyawa nagoona igolo Unaka.”

Efesus 2:8

Igogou, nakoso ngone kanaga o Jou Yesus powipiricaya, de ka ma ngale o Gikimoi Awi laha so asa ngone nanga dorouno wonasisalamatika. Magena nanga manara ma sopo dasowo, duma ka cawali ma ngale o Gikimoi Awi laha so wonasitodihike ngoneka la wonasisalamati.

1 Korintus 1:30

Ka o Gikimoi Una masirete waaka so ngini magena aku dede o Yesus Kristus nimarimoika. De ma Kristus Una magenano o Gikimoi Awi cawaro aku panako. Ena gena, ma Kristus wisangahadika, so o Gikimoi aku waaka to ngone nanga sininga itotiai de lo datetebi maro to Una Awi sininga masirete, sidago lo o dorou moi-moi dangodu ngone inapalakoka.

1 Yohanes 5:20

De ngone lo panako o Gikimoi ma Ngopa wahino daboloka, de Una lo wonasinako ngoneka la ngone gena de o Gikimoi wototiai igogou powinakoka. Ngone de o Gikimoi gena pomatekerimoika, de ngone lo dede ma Ngopa o Yesus Kristus lo pomatekerimoika. So, ai ngopa-ngopa tinisosininga, igogou-gogou ma Kristus Una magena o Gikimoi wototiai de Una magena lo o oho ka sidutu ikakali.

Yohanes 16:3

Komagena imaaka sababu ona iminako itiai waasi, bai Ai Baba bai lo Ngohi.

Rasul 9:11

De o Jou Yesus wisulo o Ananiaska, “Hika, nomasidailako la nomajobo notagi o ngeko magenaka kiaka isironga o Jalan Lurus. De kagena o Yudas awi tahuka nosano o Tarsus ma nyawa moi awi ronga o Saulus. O orasi manena naga una wosumbayang,

Ibrani 6:4

Nimasosininga, o nyawa la kanaga manga piricaya yodupa yododongosaka, ka idadiwa ona magena yariwo la imakiliho manga dorou gena imatoba de imatoduba kali. Sababu ma moi daboloka o Gikimoi Awi nita ma rabaka ona yooho, de Awi laha gena yamakeka, de lo ona magenaku o Gurumi Datetebi wowosaka.