Yohanes 3:8 - O GIKIMOI AWI JAJI ma BUKU

⁸ O nyawa nagoona nakoso ona o Gikimoi Awi Gurumi wasibuo kali ma ngale wahike onaka o oho damomuane gena, imatero maro de ka o paro iwuwu. Sababu ngona gena akuwa de ani lako o paro nakelelo, de lo ngaroko o paro ma kuguru gena aku noise, duma naakuwa nanako magena kiano ikahino de kiaka ikahika.”

Yohanes 3:8 Referans Kwoze

1 Korintus 2:11

Sababu yahiwa o nyawa la aku yanako o bi moi-moi manga sininga ma rabaka, ka cawali o nyawa manga gurumi masirete yanako. Komagena lo o bi moi-moi o Gikimoi Awi siningaka gena, ka cawali Awi Gurumi masirete asa aku wanako.

Rasul 2:2

Imatodoka o kuguru daiili-ili moi maro o rato dapoputuru iuti o sorogaku ikahuku. De o bi nyawa o tahu ma rabaka, kiaka ona imatatamiye, kagena lo yoise o kuguru ma ili magena.

1 Yohanes 2:29

Sababu ngini lo nianako o Gikimoi o orasi isigeto-geto o moi-moi itotiai gena wodupa waaka, so igogou nakoso o nyawa la kanaga o bi moi-moi itotiai gena yodupa yaaka, de igogou ona magegena to Una Awi ngopa-ngopaka.

Rasul 4:31

Ma orasi isumbayang dabolo o riho imatotolomuka magena ihiti. De o Gurumi Datetebi Awi kuasa daasu-asu iwosa ona yangoduku, so wopareta sidago o habari daloloha o Gikimoino isihabari de manga modo lo ihiwa.

1 Korintus 12:11

Magena dangodu ka o Gurumi womatetengo Awi manara de Una o cocatu moi-moi magena wositoku o nyawaka, mote to Una Awi dupa masirete.

Yohanes 1:13

Ona imadadi o Gikimoi Awi ngopa-ngopaka gena, imaterowa de o nyawa o duniaka la manga bi ngopa-ngopa yasibuo, mote ma baba awi dupa masirete. Duma o Gikimoi masirete Awi dupa so ona idadi maro to Una Awi ngopa-ngopaka.

Yohanes 3:7

So upa sidago ngona gena nohairani nakoso Ngohi totemo bilasu ngona nisibuo kali.

Yohanes 3:9

Woise komagena de o roriri una magena wotemo, “We! Nagala ngohi manena Ani demo ma ngale gena tosidodoguwa.”