Yohanes 3:6 - O GIKIMOI AWI JAJI ma BUKU

⁶ Sababu o nyawa gena manga dodihimo yasibuo, duma o Gikimoi Awi Gurumi wahike o oho damomuane so imatero de yasibuo kali.

Yohanes 3:6 Referans Kwoze

2 Korintus 5:17

Ena gena, nakoso o nyawa la kanaga de ma Kristus imarimoika, de igogou ona magena asa imadadi o nyawa yamomuaneka. Ma orasi ona ipiricaya waasi de manga oho idodoma gena ipasa de isisaka, de igogou manga oho damomuane gena yamake daboloka.

1 Yohanes 3:9

So o nyawa nagoona nakoso igogou o Gikimoi Awi ngopaka, de ona yangodu o dorou gena he yodupa kawa yaaka. Sababu o Gikimoi masirete Awi oho de Awi gogoho kanaga ioho daputuru to ona manga sininga ma rabaka. Ma ngale magegena ona o dorou yodupa kawa yaaka, sababu ona magena ka to Una Awi ngopa-ngopa.

1 Korintus 6:17

Duma o nyawa la kanaga yomomote de ma Jou, de ona imadadi ka ka o sininga moi dede Una.

Roma 7:18

Ngohi tanako o dorou ma dupa la kanaga ai sininga ma rabaka gena ngohi isimahawa la o loha moi asa taaka. Sababu ngaroko ngohi tamode, duma dadoohaso o loha gena taaka idadiwa.

Dodadi 6:12

Kagena o bi doku isigeto-getoka o nyawa la o dorou yaaaka gena o Gikimoi wakelelo,

Roma 8:13

Sababu nakoso o dorou ma dupa gena ngini nisigise, de igogou ngini o oho ka sidutu ikakali asa niamakewa. Duma nakoso ngini de Awi Gurumi so nia manara ma dorou gena niaholu so niaaka kawa, maro o kia naga moi patooma so isoneka, de ngini magegena asa nioho ka sidutu ikakali.

Efesus 2:3

De maro ona magegena, komagena ngone inangodu lo idomaka paaka de pamote nanga sininga ma dupa de o nyafusu datotorou gena dangodu. Igogou, o orasi magenaka so itiai nakoso ngone o Gikimoi wonadoosa, sababu ngone gena ka pomaketero de ona o nyawa ma binuka lo de manga dorou.

Kolose 2:11

Ngini nimarimoi dede Una, so Una magegena asa to ngini nia dupa datotorou nia sininga ma rabaka gena dangodu wapikika, maro ngone nakoso pomasuna de nanga kahi pahoi. So to ngini nia dupa datotorou gena aku niaholu de nisigise kawa.

Galatia 5:24

De o Yesus Kristus Awi nyawa ona magena o dorou ma dupa moi-moi kanaga manga sininga ma rabaka gena dangodu yaaka kawa, maro o nyawa la kanaga yasangahadika so yooho kawa.

Yohanes 1:13

Ona imadadi o Gikimoi Awi ngopa-ngopaka gena, imaterowa de o nyawa o duniaka la manga bi ngopa-ngopa yasibuo, mote ma baba awi dupa masirete. Duma o Gikimoi masirete Awi dupa so ona idadi maro to Una Awi ngopa-ngopaka.

Roma 7:5

Totemo komagena sababu ma orasi idodomaka ngone o dorou nanga sininga ma rabano podupa paaka de o bobita o Gikimoino panakoka, so nanga dupa o dorou paaaka gena idadi foloisi daputuru sidago lo o moi-moi paaaka magena ma sopo datotorou so ngone dede o Gikimoi pomakitingaka.

Dodadi 6:5

So kagena de o Jou wanako o nyawa yodupa o dorou yaaka foloisi idala. Komagena so o orasi isigeto-geto manga sininga de manga edekati gena dangodu itiai kawa de lo datorouka.

Dodadi 5:3

De o Adam una magena awi umuru o taungu 130-ka, de ma pedeka mosibuo o ngopa yanau moi una awi ronga o Set de awi jamani ma baba wisigoge (ma ngale gena o cocatu moi).

Roma 7:25

Komagena so ngohi manena ai sukuru tatide o Gikimoika totemo, “Ya, Jou! Ani laha ka ilamo poli.” Sababu Una magena o Yesus Kristus nanga Jou wisulo la wahino ma ngale ngone nanga dorouno aku wonasisupu. So komagena ngone manena nanga sininga ma rabaka imasikoholu, sababu ma ngale o bobita o Gikimoino gena aku pomode posigise, duma kanaga lo o dorou ma dupa inapareta de magena lo posigiseka.

Yohanes 3:7

So upa sidago ngona gena nohairani nakoso Ngohi totemo bilasu ngona nisibuo kali.