Yohanes 3:22 - O GIKIMOI AWI JAJI ma BUKU

²² Ipapasaka, de o Yesus de Awi muri-muri itagi ikahika o Yudea ma tonaka. De kagena o orasi muruo naga Una wogoge dede ona, de lo wosulo o nyawa yaosi, gena maro o nonako moi igogou Una wimomote.

Yohanes 3:22 Referans Kwoze

Yohanes 3:26

Komagena so o Yohanes awi nyawa wimomote yahino unaka, de itemo, “Baba Guru, o nyawa Una magena idodomaka, kanaga o Yordan ma Selera ma sonongaka de ngona nowitideka ma ngale nomisingangasu ngomika, Una gena o orasi manena asa o nyawa waosi. Ce! O nyawa yadadala ngona inidongosa de asa yangodu ikahikaka Unaka.”

Yohanes 7:3

So Una Awi nonongoruku wigegego itemo Unaka, “Ria, Ngona gena bilasu o Galileaka de nomajobo la nomimote. Notagi nokahika kali o Yudeaka, de kagena asa o nyawa yadalaka de to Ngona Ani nonako ihahairani naaka la aku yakelelo kali de ka Ngona nimote.

Yohanes 2:13

So kagena o Yesus wogoge wodamaha sidago o Paskah ma Wange ma Rarame ma orasi he idumuka, de Una wotagi wokahie o Yerusalemye.

Yohanes 2:2

Mutuwade Una de Awi muri-muri lo yakoro so yotagi o rarame magenaka.

Yohanes 3:23

De kanagasi o Yohanes lo o nyawa waosi o ake ma jobubu isironga o Ainon, o Salim ma doku ma dateka, sababu kagena o ake ilamo de o wange isigeto-geto o nyawa yahino unaka ma ngale una aku ona waosi.