Yohanes 3:10 - O GIKIMOI AWI JAJI ma BUKU

¹⁰ So o Yesus wotemo, “Ngona gena ngaroko o Israel ma nyawa manga guru moi nikukuruye, duma dadoohaso sidago o bi moi-moi ngona tonidodedemoka de ma ngale gena naakuwa nanako.

Yohanes 3:10 Referans Kwoze

Matius 22:29

Kagena de Una wosango wotemo, “Igogou, ngini ka nisosomoa! Ma sababu gena ngini niasahewa o Gikimoi Awi Jaji ma Buku ma rabaka ma demo de lo niasahewa Awi kuasa.

Matius 11:25

O orasi magena de o Yesus wosumbayang wotemo, “Baba, o Jou o dipa de lo o dunia nakokuasa! Ngohi Ai sukuru tatide Ngonaka, sababu o bi moi-moi magena o bi nyawa icocawaro lo kanaga itemo yanakoka, ona magena Ngona nagiihu. Duma o bi moi-moi magena o bi nyawa kiaka yananakowa Ngona gena nasikelelo.

Filipi 3:3

Sababu o Gikimoi wotemo upa dede ona magena, duma cawali ngone manena asa maro to Una Awi nyawa ma duhutu. Ngone manena Awi Gurumi wonasiputuru so o Gikimoika poleleani. De ma ngale o Yesus Kristus Awi manara to ngone nanga siningaka so nanga giliri asa posimane. So o bobita o Gikimoino maro o Musa walelefo ma ngale pomasuna gena, upa he papiricaya kali.

Roma 2:28

Komagena igogou, sababu o Yahudika ma nyawa ma duhutu eko o Gikimoi Awi nyawa ma duhutu gena upa ka cawali manga rohe yasuna.

Kolose 2:11

Ngini nimarimoi dede Una, so Una magegena asa to ngini nia dupa datotorou nia sininga ma rabaka gena dangodu wapikika, maro ngone nakoso pomasuna de nanga kahi pahoi. So to ngini nia dupa datotorou gena aku niaholu de nisigise kawa.

Lukas 2:46

So wisari o Yerusalem ma doku yakiloli yahika de yahino o wange saange dabolo, de asa Una wimake o Gikimoi Awi Tahu ma rabaka. Una de o guru-guru agama so manga demo wosigise de lo onaka wasasano.

Lukas 5:17

O wange moiku o Yesus wodoto, de kanaga o Farisika ma nyawa de lo o guru agama ona magena yamuruo naga kagena yogogeku. Ona magena yahino o Galilea ma tona ma sigilolino, de komagena lo o Yudea ma daerano de lo o Yerusalemno. O Jou Gikimoi Awi kuasa kanaga Unaka la o bi nyawa manga panyake aku wasiloha.

Yohanes 3:9

Woise komagena de o roriri una magena wotemo, “We! Nagala ngohi manena Ani demo ma ngale gena tosidodoguwa.”

Rasul 5:34

Duma kanaga o Mahkamah Agama ma nyawa moi o Farisika awi ronga o Gamaliel, una magena o Yahudika manga guru agama moi de o nyawa yangodu iwihoromati. Una magena womaoko de wosulo la o bi rasul magena yasisupu kasi ma duduka o orasi ma cunu.