Yohanes 21:5 - O GIKIMOI AWI JAJI ma BUKU

⁵ De kagena de Una woaso onaka wotemo, “Dodiao, nidooha kagena. O nao niamake, eko hiwa.” Gila-gila ona wisango, “Hiwa!”

Yohanes 21:5 Referans Kwoze

Filipi 4:19

O Gikimoi ngohi towileleleani gena, Una Awi kaya ifoloi ilamo de ngini lo nia oho ma kurangi moi-moi dangodu asa Una winihike de ma boloika, sababu ngini de o Yesus Kristus nimarimoika.

1 Yohanes 2:13

Ngini baba-babaka, ngohi asa o orasi manena tolefo kali, sababu ma Kristus o orasi ma nonomasi wooho sidago o orasi manena, Una magena ngini igogou niwinakoka. Ngini o bi gohiduuruka, ngohi asa o orasi manena tolefo kali, sababu o Iblis una magena ngini niwidusuka.

Ibrani 13:5

De lo upa o pipi foloi niodesere, duma o kia de maena bilasu nisanangi. Sababu kanaga o Gikimoi wotemoka, “Ngohi asa ma moiwa tonidongosa ngona.”

1 Yohanes 2:18

Ai ngopa-ngopa tososininga, o orasi ma dodogu he idumuka. Sababu ngini niise daboloka, igogou-gogou o nyawa ma Kristus wihoholu ona magena asa yahino. De o orasi manena kanaga o nyawa yadadala lo ma Kristus wiholuka. O nonako komagena idadi, so ngone asa panakoka o orasi ma dodogu igogou he idumuka.

Matius 14:15

So de damada-madaka, de Awi muri-muri yahino itemo Unaka, “Baba! Upa sidago daputu sababu o riho manena imatingano. Nakoso daloha, lebelaha o nyawa yadadala manena nasulo itagi la ona o ino imaija kadoke o bi dokuka.”

Markus 8:7

Kagena lo to ona de manga nao ibiuudu ngai muruo naga. O Yesus wadehe o bi nao magena de Awi sukuru idola o Gikimoika, de wasulo Awi muri-murika so yasitoku kali o bi nao magena.