Yohanes 21:3 - O GIKIMOI AWI JAJI ma BUKU

³ De o Simon Petrus wotemo, “Ngohi totagi o nao tosoma.” De ona ma binuka itemo, “Nako komagena, de ngomi lo minimote o nao posoma.” So ona yangodu itagi yopane o deruku. Duma o putu magena o nao yamakewa.

Yohanes 21:3 Referans Kwoze

Lukas 5:5

De o Simon wotemo, “Baba Guru, o putu moi ngomi mimanara duma o nao moi lo miamakewa. Ngaroko komagena, sababu Ngona ngomi nomisuloka, so ngohi asa ai soma taumoli.”

1 Tesalonika 2:9

Ai dodiao nipipiricaya, ngini niosininga idodooha idodomaka de to ngomi mia gia ma manara gena foloi ilamo de datubuso. Ma orasi ngomi o wange isigeto-geto mimamanara iteka gena, ma ngale upa he o pipi minigolo nginika de ngomi ka o habari daloloha o Gikimoino minisihabari nginika.

1 Korintus 3:7

So nakoso una wodadato de una woguguse, ona yasinoto magena padohaka. Ma lamo gena cawali wosiooho Una magena o Gikimoi.

1 Korintus 9:6

Upa sidago ngini nitemo nako o Barnabas de ngohi la ma ngale o ino de o nao o gogobuno miamake gena, idadiwa, so cawali ngomi misinoto magena bilasu mia oho miasisari.

Rasul 20:34

Duma ngini masirete nianakoka cawali de to ngohi ai galasahu masirete so ngohi de ai dodiao imomote gena asa mia oho de mia ino moi-moi aku tosimake.

Rasul 18:3

O Paulus awi ohoka ma manara, ena gena o dadaru ma dodalake o barono (eko lo o kemah) woaka la womasiija de awi manara gena, imatero de ona. So kagena wogoge awi ngale una de ona imatekemanara moi.

Yohanes 21:4

Ma goginitano, de kanaga o Yesus womaokoye o talaga ma dateka, duma Awi muri-muri Una magena o Yesus gena ona iwinakowa.