Yohanes 21:16 - O GIKIMOI AWI JAJI ma BUKU

¹⁶ De o Yesus wotemo wosidadu kali, “Simon, o Yohanes ma ngopa, ngona gena igogou Ngohi noidodarasi?” De o Petrus wotemo, “Iya, Jou, komagena. Ngona masirete ka noinako igogou ngohi manena tonidodara de tonisiningasi Ngonaka.” So wotemo kali unaka, “Nako komagena, de ngona bilasu najaga de nasiputuru daloha o nyawa to Ngohi Ai duba-duba ona magena.”

Yohanes 21:16 Referans Kwoze

Rasul 20:28

So, ai dodiao, o Gurumi Datetebi ngini winihirika la ngini nidadi o roriri, so nimajaga nia piricaya masirete la niamote igogou o Gikimoi Awi dodoto, komagena lo o bi gogobu yangodu bilasu niajaga, maro o sowohi moi wojaga de wapalihara to una awi duba. La Una Awi gogobu gena ngini bilasu niojaga, sababu ma ngale Awi dodara so wihike ma Ngopa womatetengo wosone, la ma ngale o nyawa ona magena o Gikimoi aku waaka to Una Awi nyawa masirete.

1 Petrus 5:2

o Gikimoi Awi gogobu la kanaga nginika bilasu ona magena niajaga, maro o sowohi moi wojaga de wapalihara to una awi duba. Ngini niajaga ona gena, upa nitemo maro o momoku datotubuso moi, duma ma sababu magena maro o Gikimoi Awi dupa, komagena lo to ngini nia dupa de nia edekati masirete so ona niajaga. De lo upa ona niajaga de nia ngale gena o pipi niodesere, duma ka nia sininga ma loha so nialeleani.

1 Petrus 2:25

Ngini gena idodomaka ma Kristus niwipiricayawa, duma o orasi manena ngini Una niwipiricayaka la Una aku ngini winijaga. Imatero maro o duba-duba o ngeko yamake kawa, duma done isigiliho kali la ma sowohi gena aku wajaga de wapalihara kali.

Ibrani 13:20

Ngone nanga Jou Yesus Una magena Awi au ikopola gena, isiputuruka o Gikimoi Awi jaji kiaka ikokakali ngoneka. Una gena o Gikimoi asa o sone ma rabano wisioho kali de Una wodadi o Sowohi Wilalamo, de ngone gena Awi duba-duba wajojajaga. Komagena so ngohi togolo o Gikimoika, Una o sanangi ma gola, tanu Una masirete

Yohanes 18:25

Wingaho de o Petrus kagena nagasi womaokoye womarahu o uku ma dateka, de o nyawa ma binuka itemo unaka, “He! Nagala ngona manena lo Una nowimomote, eko?” Duma una womanosu de wotemo onaka, “Hiwa!”

Yohanes 18:17

De o ngopedeka moleleleani moi magena motemo o Petruska, “So ngona kanena nodooha. Nagala ngona manena lo Una witatago gena Awi nyawa wimomote moi?” De una womisango, “Hiwa!”

Lukas 19:10

Ma sababu magena, so Ngohi o Nyawa ma Duhutu manena tahino. Ngohi tahino la o nyawa dede o Gikimoi imakitingaka, ona magena tasari de o dorou ma rabano tapalako, maro o duba isisisa tasari sidago tosisalamati.”

Matius 26:72

Duma una womanosu kali, de gila-gila wosasi, “Ngohi towinakowa o nyawa Una magena!”

Matius 25:32

Kagena Ai simaka o bi bangsa yangodu asa imatolomu, de ona magena Ngohi asa tahiri la yodadi o dolomu sinotoka, maro o sowohi moi la kanaga awi duba de awi kabi wahiri wosiritinga.

Matius 2:6

‘He! Ngini o Betlehemka ma nyawa, ngini nigoge gena o Yehuda ma daera ma rabaka gena, o Yehudaka manga roriri manga goginano ma rabaka upa lo itemo to ngini nia doku daceke de o kota dangodu o daera magena ma sigilolika. Sababu nogena nginino done asa o roriri moi wisibuo la aku watuda de wapalihara to Ngohi Ai nyawa gena o Israelka ma bi nyawa.’ ”

Gogelelo 7:17

Sababu o Duba ma Goho Una kanaga o pareta ma kursi ma dateka, Una magena asa ona wajaga de watuda, de lo o ake ma jobubuka wangaho so yaudo la ona asa o Gikimoi Awi dateka ioho ka sidutu ikakali. Gena imatero maro o sowohi moi so awi duba-duba wajaga de lo watuda o ake ma jobubuka la wosiudo lo damatawa. De o Gikimoi Una magena to ona manga kongo manga lakoka dangodu gena asa wapiki.”

Yohanes 21:17

De kanaga ma para saangeka Una wotemo kali, “Simon, o Yohanes ma ngopa, ngona gena igogou Ngohi noisiningasi?” De kanaga ma para saangeka to Una Awi sano komagenali, so o Petrus awi sininga ipeleso so wagogou-gogou wotemo, “Iya, Jou, komagena. Ngona masirete lo o bi moi-moi dangodu kanaga ka nanako, so ka nanako igogou ngohi manena tonisosiningasi Ngonaka.” So o Yesus asa wotemo kali, “Nako komagena, de ngona bilasu najaga de nasiputuru daloha o nyawa to Ngohi Ai duba-duba ona magena.