Yohanes 20:5 - O GIKIMOI AWI JAJI ma BUKU

⁵ So kagena de una ka o boosu ma ngoraka, de wowosa waasi so womarukuku so ma rabaka womaginano. Eh? Kagena ka o baro daaare ihadoku.

Yohanes 20:5 Referans Kwoze

Yohanes 19:40

So kagena de ona Una Awi sone ma bake magena yaaaho waasi de yarapa kasi, dabolo de asa isisangi de o baro daaare, mote de o Yahudika manga adati de manga galepu nakoso o sone ma bake yapoosu.

Yohanes 20:11

Ona ilihoka, duma kanaga o boosu ma dateka ongo Maria moari mosodu-sodu. Moari momarukuku de o boosu ma rabaka momaginano.

Yohanes 11:44

So una awi rohe asa isupuno. Duma awi gia de awi dohu dangodu lo o baro daaare isisasao ka yasangisi, de awi bio lo ka yatalakesi de o baro. So o Yesus wasulo onaka wotemo, “Hika to una awi sasangi magena niasose la awi baro niapalako.” So komagena ona iwibalakoka.

Yohanes 20:4

Ona yasinoto imagogora, duma o muri moili una magena foloi wicapati so o boosuka womasidiado wodomaka.

Yohanes 20:6

So o Petrus waado wotuuruno, de o boosu ma rabaka wowosa de o baro magena, o orasi ipapasaka isisasangi o Yesus Awi sone ma bakeka, de lo Awi sahe isisasaoka wakelelo kagena ka ihadoku. Awi sahe ma baro masirete gena itupuko so yatingaka.