Yohanes 2:2 - O GIKIMOI AWI JAJI ma BUKU

² Mutuwade Una de Awi muri-muri lo yakoro so yotagi o rarame magenaka.

Yohanes 2:2 Referans Kwoze

Kolose 3:17

De lo o kia bato nitetemo de niamomanara gena ma rabaka hika ngini niaaka imatero maro o Jou Yesus Awi nyawa so bilasu yaaka. De komagena lo sababu o Yesus Awi manara nginika, so hika ngini lo salalu nia sukuru niatide o Baba Gikimoika.

1 Korintus 7:39

O ngopedeka moi momasirokaka de ma roka gena ka woohosi, de muna magena momapiliku unaka. Duma nakoso ma roka wosone, de muna gena mipalakoka so aku momasiroka yanau moili naguuna mowidudupa, hitilahi una magena o Jou wipipiricaya moi.

Ibrani 13:4

O kawi ma adati gena ngini ningodu bilasu nisigise. Upa niatilaku, sababu o nyawa la kanaga o nyafusu ma dorou yaaka eko yosundali, ona magena o Gikimoi asa wafanggali de o dorou.

1 Korintus 10:31

Duma ngohi tosango totemo o kia bato paaaka, ngaroko poodo eko poudo gena, o bi moi-moi dangodu ma rabaka hika paaka la aku o Gikimoi wihoromati de wigiliri.

Matius 25:45

De ma kolano Ngohi gena asa tasango onaka, ‘Ngini tinisingangasu igogou, ma ngale o kia bato niholu niaaka ona yacecekeka, so de magena ma ngale ngini lo niholu niaaka Ngohika bai!’ ”

Matius 25:40

De ma kolano Ngohi gena asa tasango onaka, ‘Ngini tinisingangasu igogou, o kia bato niaaaka to Ngohi Ai dodiao imomote ona manenaka, ngaroko ona yacecekeka, duma de magena ma ngale lo ngini niaaka Ngohika bai!’

Matius 12:19

Una asa wosiholuwa de womatoorewa, eko lo o bi ngekoka Awi ili wosilamo lo yoisewa.

Gogelelo 3:20

He! Nikelelo. Ngohi manena kanaga o ngora ma simaka tomaokoye de tiniaso ngini. Ngohi tinidamaha la nakoso kanaga o nyawa o tahu ma rabaka Ai ili yoise de manga ngora yapelenga, de Ngohi isimaha towosa la tomatamiye de ngomi asa miodo de miudo.

Yohanes 2:3

De kagena o anggur yaudo duma pasa de damataka. So o Yesus ma awa motagi mowisingangasu Unaka, “Kodo! Manga anggur gena damataka.”

Yohanes 2:12

So daboloka, de Una wotagi wokahoko o Kapernaum ma dokuko. Ona itagi imakangaho gena ma awa, de Awi nonongoru, de lo Awi muri-muri. So o wange muruo naga ona igoge o doku magenaka.

Yohanes 2:17

Komagena imaakaka, de Awi muri-muri magena asa yosiningali kanaga idodoma o Gikimoi Awi Jaji ma Buku ma rabaka isilefo itemo, “Ai Baba, Ngohi Ai sininga ma dupa foloisi ilamo gena Ani Tahu bilasu o nyawa yahoromati sidago he dangade tosone.”

Yohanes 2:22

Cawali ma orasika done Una o sone ma rabano wisioho kali, de asa Awi muri-muri yosininga kiaka idomaka to Una Awi demo komagena gena wotemo, o Gikimoi Awi Tahu wositero de Awi rohe. Yosiningaka, de asa ona yopiricaya igogou o Gikimoi Awi demo ma ngale o Yesus o sone ma rabano wisioho kali de lo o bi moi-moi dangodu magena Una wasingangasu dabolo onaka.

Yohanes 3:22

Ipapasaka, de o Yesus de Awi muri-muri itagi ikahika o Yudea ma tonaka. De kagena o orasi muruo naga Una wogoge dede ona, de lo wosulo o nyawa yaosi, gena maro o nonako moi igogou Una wimomote.

Yohanes 4:33

Magena de Awi muri-muri ona imatekekasano moi de moika itemo, “Nagala kanaga o nyawa o ino sutu Una wigahoka, eko idodooha.”

Yohanes 6:8

De lo Awi muri moili, una o Simon Petrus ma nongoru awi ronga o Andreas, una magena wotemo,

Yohanes 6:12

So yapunuka, de Una Awi muri-murika wotemo kali, “Nanga ino ma soohu magena upa paumo, duma niatolomuka.”

Yohanes 6:16

De o wange he damada-mada de o Yesus wokahika waasi onaka, so Awi muri-muri o talagaku youti. De o deruku yopane itemo o talaga ma sonongaka yoside, o Kapernaum ma dokuka itagi. O wange itumuka so daputuka, de ona imajoboka.

Yohanes 6:60

Duma o Yesus Awi dodoto yoiseka, de o nyawa Una wimomote yadadala imatekebicaraka itemo, “Icala! Awi dodoto manena ma ngale gena foloisi datubuso. Nagoona moi o dodoto datotubuso maro komagena yaaku yosigise. Igogou, o nyawa nagoona bato yaakuwa yosigise bai!”

Yohanes 6:66

Idadi komagena, so ona wimomote yadadala asa Una widongosaka so iliho de Una he wimote kawa.

Yohanes 6:67

So kagena asa Una Awi muri-muri gena ona yamogiowo de sinoto magenaka wotemo, “So idodooha asa ngini lo nia sininga ma rabaka nitemo niliho. Done ngini Ngohi nimote kawa?”

Yohanes 6:70

De Una wotemo, “Magena igogou, duma kanaga o nyawa moili, ngaroko Ngohi masirete tinihiri ngini nimogiowo de sinoto, duma kanaga nia sidongirabaka moi igogou wodadi o Iblis ma sosulo moi.”

Yohanes 6:71

Komagena Una Awi muri-murika wasingangasu gena ma ngale o Yudas, una magena awi baba o Simon Iskariot, sababu una magegena asa o Yesus wisiija, ngaroko una o Yesus Awi muri-muri manga sidongirabano.

Yohanes 7:3

So Una Awi nonongoruku wigegego itemo Unaka, “Ria, Ngona gena bilasu o Galileaka de nomajobo la nomimote. Notagi nokahika kali o Yudeaka, de kagena asa o nyawa yadalaka de to Ngona Ani nonako ihahairani naaka la aku yakelelo kali de ka Ngona nimote.

Rasul 11:26

So ma orasi o Saulus iwimakeka, de una o Saulus iwingaho o Antiokhiaka. So kagena ma deka o taungu moi yogoge de o gogobu imatolomuno so o nyawa yadadala yadotoka. De o orasi magena kagena o Antiokhia ma kotaka ma nonomaka o bi nyawa ipipiricaya yasironga o Kristenka ma nyawa.

Rasul 11:29

Mutuwade o bi nyawa ipipiricaya gena imatekerimoi la manga roriwo o pipi yosidingo manga dodiao ipipiricaya o Yudeaka igogoge, manga roriwo moi-moi ma lamo yamote de to ona manga aku masirete.