Yohanes 2:16 - O GIKIMOI AWI JAJI ma BUKU

¹⁶ De ma binukali o namo dara imasiiijaka Una wotemo, “Asitagala! Ngini gena nia namo niaaho de nisupu. Awadede! Upa lo Ai Baba Awi Tahuka de niaaka o riho imasiiija.”

Yohanes 2:16 Referans Kwoze

Matius 21:13

Dabolo de wotemo, “O Gikimoi Awi Jaji ma Buku ma rabaka isilelefo Una wotemo komanena, ‘To Ngohi Ai tahu manena idadi o bi nyawa manga riho moi la kanena isuba de isumbayang.’ De dadoohaso ngini niaaka ikokokoora manga dodutulu ma riho. Ce!”

Markus 11:17

Dabolo de o Yesus o nyawa kagenadahu wadoto, so wotemo onaka, “O Gikimoi Awi Jaji ma Buku ma rabaka isilelefo Una wotemo komanena, ‘To Ngohi Ai tahu manena idadi o bi bangsa manga riho moi la kanena isuba de isumbayang.’ De dadoohaso ngini niaaka ikokokoora manga dodutulu ma riho. Ce!”

Lukas 2:49

Kagena de Una wotemo onaka, “Dadoohaso ngini nisari Ngohi. Kiaso ngini asa nianakowa Ngohi bilasu togoge Ai Baba Awi tahuka.”

2 Petrus 2:3

Ona o guru ikokulai magena o pipi yodesere so de manga demo ikokulai ngini inisihaga la ma ngale o kaya yamake. Duma idomaka o Gikimoi wositatapu daboloka done bilasu ona manga dorou wafanggali, so he iteka kawa de ona magena asa wasisa bai!

Yohanes 5:17

De Una wasingangasu onaka wotemo, “O wange isigeto-geto gena Ai Baba womanara sidago lo o Sabat ma wangeka. So Ngohi lo bilasu o wange isigeto-geto Ai manara taaka de akuwa tomatogu.”

1 Timotius 6:5

Ona imatekekangamo, sababu ona magena manga siningaka o dorou iwedoka so yanako kawa o dodoto itotiai. Ona manga sininga ma rabaka itemo bilasu o bi moi-moi maro o kia o Gikimoi wodudupa gena yaaka, duma manga edekati ma rabaka cawali ka o pipi yamake.

Yohanes 20:17

De wotemo kali, “Ngohi gena Ai Babaka toliho waasi, so upa Ngohi noicoho. De notagi bato la nasingangasu Ai dodiao imomote ona magena yangoduka nadedemo, ‘Ngohi asa toliho Ai Babaka eko o Gikimoi towisusubaka, Una magena lo to ngini nia Baba eko o Gikimoi niwisusuba.’ ”

Yohanes 10:29

Sababu kanaga Una lo, ona magena woihike Ngohika, Ai Baba Una magegena Awi buturu foloisi ilamo, so o nyawa nagoona bato ona magena yaakuwa Ai Baba wikoora.

Yohanes 8:49

De Una wosango, “Hiwa bai! Upa nitemo Ngohi manena ikokitoka. Ai demo magena towisihoromati Ai Baba, duma ngini nia demo gena Ngohi nisiceke.

Matius 21:12

Dabolo de o Yesus wotagili o Gikimoi Awi Tahu ma lolohaka, de wasitodadaheno o nyawa yadala kagenadahu imasiiija de imatekekokiija. Ona ma binuka o nyawa o doku ma somoano manga pipi imatekesitagali de ma binukali o namo dara imasiiija yaaka manga gaso. So o Yesus witoosa, de gila-gila Una wadusu, de manga meja waeha, de lo manga bako wosipapaka.

Matius 22:5

Duma yakokoro ona magena yangodu yosidoohawa. Ona yotagi moi-moi manga manaraka. Kanaga ma binuka yotagi manga doroka, de ma binukali yotagi manga manara ma somoaka.

Yohanes 2:15

Magena wakeleloka, de Una asa o ngangapo moi waaka o iwino la idadi maro o cambuk moi. De Awi cambuk magena, Una gila-gila o Gikimoi Awi Tahu ma lolohaka o nyawa ona magena wadusu de wasisupu. Wadusu ona maro o bolumoi-bolumoi, ona de manga sapi de lo manga duba. De lo ma binuka o pipi imatekesitagali ona manga meja waeha sidago lo manga pipi gena ihaja imakokitingaka.