Yohanes 19:7 - O GIKIMOI AWI JAJI ma BUKU

⁷ De o Yahudika manga roriri magena asa ka isigegego itemo, “Nako to ngomi mia bobita miacocoho gena pamote, igogou Una magena bilasu ka wosone, sababu Una lo wotemo daboloka Una o Gikimoi ma Ngopa.”

Yohanes 19:7 Referans Kwoze

Yohanes 5:18

De ma sababu komagena so asa o Yahudika manga roriri to ona manga duhudu Unaka gena foloisi idogo, sidago manga edekati gena igogou Una bilasu iwitooma. Ma sababu gena manga bobita o Sabat ma wange magena Una watilakuka de lo maro womasitero Una dede o Gikimoi ka imaketero, so Una o Gikimoi wiaso lo Awi Baba. Komagena so ona itemo magena o dorou waakaka, so bilasu iwitooma.

Markus 15:39

Ma kapita moi, womaokoye o sangahadi woririsima gena, wakelelo idodooha o Yesus Awi sone ma ngeko de ma kapita magena wotemo, “We! O nyawa Una manena igogou o Gikimoi ma Ngopa!”

Yohanes 19:8

Kagena de o Yesus Awi demo magegena ma gubernur woise, so una asa he ifoloisi wimodo.

Rasul 18:13

So ona iwikalaki itemo, “O nyawa una manena wabaja de wasigaro la o nyawa yadadala isuba o Gikimoika de upa yamote o Gikimoi Awi bobita o Musa wosilelefoka, so de to ngone nanga ngeko gena imakasala bai!”