Yohanes 18:9 - O GIKIMOI AWI JAJI ma BUKU

⁹ Una wotemo komagena ma ngale wosiganapu Awi demo idodomaka wotemo, “O nyawa nagoona bato noihihike Ngohika la ipiricayaka, moi lo upa isisa.”

Yohanes 18:9 Referans Kwoze

Yohanes 17:12

Ma orasi Ngohi kanaga dede onasi gena, de Ani kuasa noihihike Ngohika aku ona tajaga. Ona yangodu gena igogou tajaga daloha, so upa sidago ona magena yasisa. Ka cawali una moi kanaga o dorou ma sopo wamamake, la ma ngale o kia idomaka isilelefo Ani Jaji ma Bukuka gena isiganapuka.

Yohanes 6:39

De Ai Baba Awi dupa gena o nyawa nagoona bato woihihike Ngohika la ipiricayaka, moi lo yaakuwa yasisa, duma ma orasi o dunia ma dodoguka ona yangodu asa tasimomi de tasioho kali.

Yohanes 18:8

De wotemo, “Ngohi tinidedemo nginika, o Yesus Una magena ka ka Ngohi dabolo. So nakoso ngini igogou nisari Ngohi manena, de bilasu to Ngohi Ai dodiao manena niadohaka, ona upa niatago.”