Yohanes 18:5 - O GIKIMOI AWI JAJI ma BUKU

⁵ De ona itemo, “O Yesus, Una magena o Nazaretka ma nyawa.” So Una wotemo, “Nako o Yesus, Una magena ka ka Ngohi dabolo.” O Yudas womumukili gena una lo kanaga manga sidongirabaka.

Yohanes 18:5 Referans Kwoze

Yohanes 19:19

De ma gubernur wosulo isilefo to Una Awi sangahadi ma dokuka o galaki ma demo itemo: o yesus o nazaretka ma nyawa o yahudika manga kolano.

Yohanes 1:46

O Natanael woise de wotemo, “Ce! Idodooha so o loha de ma sihino o Nazaretno.” Dabolo de o Filipus wotemo, “Hino, potagi la ngona lo aku nowinano.” So ona imajobo.

Matius 21:11

De o nyawa wimomote gena yosango, “Una o Yesus, o nabi moi o Nazaretno o Galilea ma tonaka.”

Matius 2:23

o doku moi ma ronga o Nazaretka igoge. Kagena igoge gena isiganapuka, maro o kia idomaka o Jou Awi demo o bi nabi yalefo daboloka ma ngale o ngopa Una magena, “Done asa o nyawa itemo Una magena o Nazaretka ma nyawa.”

Yohanes 18:4

Kagena de o Yesus o kia bilasu idadi Unaka gena dangodu he wanakoka, so Una asa wotagi wasibubusu ona magena de wotemo, “He! So ngini manena niahino kanena gena naguuna niwisari.”

Yohanes 18:6

Wotemo komagena, de ona magena asa yatodoka de yomadosu o tonaku imarubaka.