Biblia Todo Logo
Bib sou entènèt

- Piblisite -




Yohanes 18:4 - O GIKIMOI AWI JAJI ma BUKU

4 Kagena de o Yesus o kia bilasu idadi Unaka gena dangodu he wanakoka, so Una asa wotagi wasibubusu ona magena de wotemo, “He! So ngini manena niahino kanena gena naguuna niwisari.”

Gade chapit la Kopi




Yohanes 18:4
27 Referans Kwoze  

O Paskah ma Wange ma Rarame gena he yaadoka, so ma langino de o rarame ma ino yaodo, de o Yesus gena wanakoka Awi orasi imasidiadoka, ma ngale Una o dunia manena bilasu wodongosa de woliho wokahie ma Babaye. Una Awi muri-muri masirete igogoge o duniaka, ona magena wadodaraka so kanaga Una Awi edekati wasikelelo Awi muri-murika to Una Awi dodara gena foloisi ilamo onaka.


Komagena so wotemo kali onaka, “So ngini niahino kanena gena niwisari naguuna.” “O Yesus, Una o Nazaretka ma nyawa.”


Ngona noisidumu daboloka, igogou asa Ngona noisioho kali, de ngohi inali icarawa, sababu Ngona asa kanaga dede ngohi.’


Itekawa, de o Yesus wanako o bi moi-moi dangodu isiboloka, so womasigaso ma ngale idadi de imaaka imatero maro o kia idomaka isilelefo o Gikimoi Awi Jaji ma Buku ma rabaka. Una wotemo, “Kodo! Ai kiri daduduka.”


Komagena wotemo onaka, sababu una womatengo done asa wisiiija magena, naguuna gena Una he wanakoka.


Ngaroko komagena, duma kanaga ngini nimuruo naga niholu niopiricaya.” Komagena o Yesus wobicara, sababu ma nonomasi Una womanara de wanako, igogou done nagoona Awi demo iholu yopiricaya de lo kanaga wimoi done Una Awi lawangika wisiija.


Dabolo de Una wotemo onaka, “Manena o kia naga tinisingangasu nginika, ma orasi idomaka de Ngohi kanaga dede nginisi. O bi moi-moi ma ngale Ngohi, kiaka o Jou Awi bobita o Musa de lo o bi nabi ma somoa isilelefo ma Buku ma rabaka de lo o Mazmur ma Bukuka gena, dangodu bilasu isiganapu.”


Kagena yahika de o Yesus wotemo Awi muri-murika, “Ngini ningodu manena done niloda so Ngohi nidongosaka, sababu kanaga o Gikimoi Awi Jaji ma Buku ma rabaka asa isilefoka wotemo, ‘Ngohi asa ma sowohi towitooma so ma duba iloda imakokitingaka.’


So kagena ona imatamiye iodo, de Una wotemo onaka, “Ngini tinisingangasu igogou, o orasi manena o nyawa moi to ngini nia sidongirabano asa Ngohi woisiija.”


“Ngini nianakoka midirika de o Paskah ma Wange ma Rarame imasidiado. O orasi magena de Ngohi o Nyawa ma Duhutu manena asa isidoa la isangahadi.”


Ma solano o orasi magena de o Yesus Awi muri-murika womadedemo wositotiaika, ena gena wotemo onaka, “Ngohi manena bilasu totagi o Yerusalemka. De done o Yahudika manga roriri, o imamka ma bi sahe, de o bi guru agama ona Ngohi iholu, so ona asa isangisara dasiri ma bati itooma de isosone. Ngaroko iaka komagena, duma o wange saangeka de Ngohi tooho kali.”


Ma Kristus gena wisangisara komagena, so ngini lo bilasu nimaputuru la nimote Unaka. So maro to Una Awi sininga ma rabaka, komagena lo to ngini nia sininga ma rabaka, ena gena nimasidailako la asa o sangisara niamoku. Sababu o nyawa la kanaga yasangisara, ona magena yapalakoka o dorou ma kuasano so o dorou gena yaaka kawa.


De ona itemo, “O Yesus, Una magena o Nazaretka ma nyawa.” So Una wotemo, “Nako o Yesus, Una magena ka ka Ngohi dabolo.” O Yudas womumukili gena una lo kanaga manga sidongirabaka.


Swiv nou:

Piblisite


Piblisite