Yohanes 16:7 - O GIKIMOI AWI JAJI ma BUKU

⁷ Ngaroko komagena, duma ma ngale ngini manena tagogou, foloisi daloha nakoso Ngohi tinidongosaka. Sababu o Baba Awi Dagali moili gena o Gurumi Datetebi done wahino, hitilahi Ngohi tinidongosa kasi. So nakoso Ngohi igogou tinidongosaka, ma ngale aku o Baba Awi Dagali moili magena tasulo la wahino nginika.

Yohanes 16:7 Referans Kwoze

Yohanes 14:26

Duma kanaga Ai Baba Awi Dagali moili magena done asa winidoto nginika. Awi Dagali o Gurumi Datetebi gena Ai Babaka togolo so Una wosulo la done asa wahino nginika, ma ngale o bi moi-moi dangodu ngini niamomanara gena winidoto, de lo o bi moi-moi tinidodedemoka gena dangodu winisisininga kali.

Yohanes 15:26

Ngaroko komagena, ma orasi o Baba Awi Dagali moili Ngohi tasusulo magena yahino, de magena asa ma ngale Ngohi gena inisingangasu nginika. Maena gena o Gurumi Datetebi o Baba Gikimoino, so o dodoto itotiai ma ngale Una gena dangodu aku inisingangasu.

Roma 8:28

De ngone panako o nyawa la kanaga o Gikimoi iwidodaraka, ena gena to Una Awi edekati masirete so kanaga wahirika, o moi-moi idadadi ona magenaka gena dangodu Una waaka so idadi ka daloha.

Rasul 2:33

O orasi manena dabolo Una o Gikimoi wisidola de wisitami o Gikimoi Awi girinaka la Awi horomati wamake, de lo ma Baba Gikimoi Awi jaji wosiganapu so o Yesus wahike o Gurumi Datetebi la wouti wowosa ngomiku, de mia sininga wapareta, de to ngini nia bahasa moi-moi lo misibicara.

Yohanes 7:39

To Una Awi demo ma ngale gena o Gurumi Datetebi done asa o nyawa o Yesus wipipiricaya manga sininga ma rabaka wogoge. Duma o orasi magena o Gikimoi Awi Gurumi gena ona yamake waasi, sababu o Yesus wodola waasi so ma Baba Awi simaka wisimulia waasi.

Lukas 24:49

Nimasosininga daloha, done Ngohi asa tosulo la o Gurumi Datetebi wouti kanena nginiku, maro Ai Baba wojajajika. Duma ngini bilasu niodamaha idoma o kota manenaka, sidago o Gikimoi winihike o kuasa nginika la ngini aku niputuru.”

Rasul 10:34

So kagena de o Petrus wotemo, “O orasi manena de asa ngohi tosihoda gena, igogou kiaka o Gikimoi Awi dodara o bi nyawa yangoduka gena itero,

Yohanes 14:28

Mutuwade upa niawosa o kia naga kangano manena ngini tinisingongangasuka, Ngohi gena ma cunusi de ngini tinidongosa de asa tahino kali nginika. Nakoso ngini igogou Ngohi nidodaraka, gena ngini bilasu ninali Ngohi totagi toliho Ai Babaka, sababu igogou nakoso Ngohi de Ai Baba gena, Una foloisi wolamo.

Yohanes 14:3

De nakoso Ngohi totagi de nia riho masirete gena tosidailako dabolo, de Ngohi done asa tahino kali, de ngini tiningoso la Ngohi asa tiningaho ma ngale ngini dede Ngohi kagena pogoge.

Lukas 9:27

Ngini tinisingangasu igogou, yamuruo naga to ngini nia sidongirabano done isone waasi, nakoso yanako waasi o Gikimoi Awi pareta igogou imasidiadoka.”

Lukas 4:25

Igogou, o kia naga asa idadadi o orasi manena, gena imatero de o kia naga idadadika ma orasi idodoma ma nabi Eliaka. O orasi magenaka, de idadi imuurawa ma deka o taungu saange de o ngoosa butanga, sidago o bare imasidiado o bi doku dangoduka so o ino ihiwa. O orasi magena o Israel ma tonaka kanaga ibabalo yadala manga oho isusa.

2 Korintus 4:17

Sababu o sangisara o orasi manena o duniaka ngomi miamamake, magena ka dagoguui de lo itekawa. De ma ngale ngomi o sangisara magena miamoku, so asa idadi ngomi gena miamake o oho daloloha de ka sidutu ikakali. Nako o oho magena de o sangisara ngomi miamamake, o oho o orasi ma simaka gena asa foloisi ilamo de lo daloha icarawa.

Yohanes 16:8

Ma orasi done wahino womasidiado, de Una magena asa wasinako itiai o bi nyawa o duniaka, ma diai gena idodooha ma ngale manga dorou, de manga sininga itiai o Gikimoi Awi simaka, de lo manga sopo gena Una wafanggali.