Yohanes 16:5 - O GIKIMOI AWI JAJI ma BUKU

⁵ Duma ma orasi yaadoka, de ngaroko Ngohi he totagi tahika Unaka magena Ngohi woisulo so tahino, duma, kodo, Ngohi gena moi lo nisanowa, ‘Jou, Ngona gena kiaka notagi.’

Yohanes 16:5 Referans Kwoze

Yohanes 13:36

Magena de o Simon Petrus wotemo, “Jou, kiaka notagi.” So Una wotemo, “O riho kiaka kagena Ngohi totagi gena ngona naaku waasi noimote, duma done ma orasika de kagena lo ngona asa noimote kiaka Ngohi tokahika.”

Yohanes 7:33

De Una wotemo ona yangoduka, “Iteka kawa, Ngohi kanena dede nginika de Ngohi asa toliho, kekiaka Una woisusuloka so Ngohi tahino.

Yohanes 16:28

La komagena Ngohi Ai Babaka de tahuku o dunia ma rabaku towosa, sidago o orasi manena de asa o dunia gena he todongosa de toliho Ai Babaka.”

Yohanes 17:4

Ngohi to Ngona Ani manara masirete noihike Ngohika, de ma ngale dangodu magena asa tosiboloka, so Ani mulia magena tasikelelo o bi nyawa o duniaka.

Yohanes 16:10

De wasinako kali igogou, manga sininga aku idadi itiai, sababu Ngohi asa totagi Ai Babaka de kanena ikelelo kawa.

Ibrani 12:2

Bilasu ngone popiricaya la pomagogora powimeta o Yesuska, sababu Una magegena o gogora manena ma ngeko wosidumu ngoneka de lo womagogora itiai sidago ma batika womasidiado. Una o sangisara wamoku sidago lo wisangahadika. Ma ngale wisangahadi so wisimade komagena o nyawa manga simaka, duma Una wosidoohawa, sababu wososininga o nali kiaka done asa wamake o orasi ma simaka. De o orasi manena kadaku o sorogaka Una womatamiye o Gikimoi Awi girinaka la Awi horomati wamake.

Ibrani 1:3

Una Awi Ngopa magena o Gikimoi Awi nita, ena gena Una o Gikimoi Awi mulia wosikelelo, de ma ngale Una gena de o Gikimoi ka imaketero. Una magegena de Awi demo ikokuasa so kanaga o bi moi-moi o kia naga gena dangodu wapaliharaka. Una o bi nyawa o duniaka manga dorou ma rabano wasisupu daboloka, de asa Una witide o sorogaye so kadaku womatamiye o Gikimoi Wokokuasa Awi girinaka la Awi horomati wamake.

Yohanes 13:3

Duma o Yesus wanakoka kanaga ma Baba Gikimoi wihike dabolo Unaka o kuasa so aku o bi moi-moi dangodu wapareta, de Una lo wanakoka Awi sihino o Gikimoino so kanaga asa woliho Unaka.

Yohanes 16:16

Ma cunusi de Ngohi manena asa ngini nikelelo kawa, dabolo de iteka lo waali de ngini asa Ngohi nikelelo kali.”

Yohanes 14:28

Mutuwade upa niawosa o kia naga kangano manena ngini tinisingongangasuka, Ngohi gena ma cunusi de ngini tinidongosa de asa tahino kali nginika. Nakoso ngini igogou Ngohi nidodaraka, gena ngini bilasu ninali Ngohi totagi toliho Ai Babaka, sababu igogou nakoso Ngohi de Ai Baba gena, Una foloisi wolamo.

Yohanes 6:62

Idodooha, nakoso ma moi de ngini nikelelo Ngohi o Nyawa ma Duhutu done asa idaku toliho la togoge o sorogaka. Nako komagena, done ngini gena idodooha.

Yohanes 17:13

Baba, Ngohi o orasi manena tahino Ngonaka so o bi moi-moi manena todedemo kasi, kiaka Ngohi kanenasi o dunia ma raba kasi, la ma ngale maro Ngohi lo inali, komagena ona lo aku de manga nali foloisi ilamo.

Yohanes 16:17

Kagena de o Yesus Awi muri-muri yamuruo naga imatekebobicara itemo, “Awalele! Una Awi demo ma ngale gena o kiaso wotemo, ‘Ma cunusi de Ngohi manena ngini asa nikelelo kawa, dabolo de iteka lo waali de ngini asa Ngohi nikelelo kali,’ de lo wotemo, ‘Ngohi manena asa ngini nikelelo kawa, sababu Ngohi totagi tokahika Ai Babaka.’ ”