Yohanes 15:9 - O GIKIMOI AWI JAJI ma BUKU

⁹ Maro Ai Baba woidodara Ngohi, komagena lo Ngohi tinidodara nginika. Komagena so to Ngohi Ai dodara nginika gena tongongano ngini magena asa upa niodongosa duma niacoho niaamo-amo.

Yohanes 15:9 Referans Kwoze

Yohanes 17:26

Ma ngale Ngona gena Ngohi tonisinako onaka, de magena asa taaka tomatoguwa, la ma ngale maro Ngona noidodara Ngohika, komagena aku ona lo yadodara o nyawaka, de Ngohi masirete lo aku to ona manga rabaka.”

1 Yohanes 2:28

Komagena so, ai ngopa-ngopa tinisosininga, ngohi tongongano to ngini nia rimoi dede ma Kristus foloi daputuru. Nakoso paaka komagena, done ma orasi Una wahino kali o duniaka, de ngone asa powimake de nanga baranika de nanga made lo ihiwa.

Gogelelo 1:5

de lo o Yesus Kristus aku powipiricaya la Una Awi dodoto ma ngale o Gikimoi gena asa wosingangasu. Una gena o Gikimoi ma Ngopa womatetengo gena o sone ma rabano wisioho kali de lo nako o bi kolano o dunia ma bi dokuka manga kuasa gena, Una Awi kuasa foloi ilamo. Yesus, Ngona magena asa ngomi nomidodaraka de nosone de Ani au ikopola ma ngale mia dorouno nomipalakoka.

Yohanes 15:13

O dodara foloisi ilalamo gena, nakoso ma ngale ngini nia dodiao de ngini nimaaka to ngini nia dagali sidago nisone, magena nia dodara igogou.

Yohanes 15:11

Komagena ngini tinisingangasu la maro Ngohi aku inali, de komagena ngini lo aku ninali, de nia nali gena asa foloi ilamo.

Efesus 3:18

Ma Kristus Awi dodara gena ngone dede Awi nyawa yangodu aku panako, duma nanga sininga ma kanako gena de ma batika, so paakuwa Awi dodara gena ngone patuga idodooha ma ngoha, eko ma gaku, eko ma guruye eko lo ma luku. Ngaroko komagena, ngohi togolo kali tanu ngini aku ma Kristus Awi dodara gena niamalo de nianako daputuru, la o Gikimoi Una masirete de Awi boloi dangodu gena imasitauho nginika, so wogoge to ngini nia siningaka gena iwedo-wedo.

Yudas 1:20

Duma ai dodiao tinidododara, nako ngini gena ngohi tongongano bilasu nia sininga nimatekesiputuru moi de moika, la komagena nia piricaya foloisi daputuru o dodoto itotiaika kekiaka o Gikimoi winihihikeka. De bilasu nisumbayang de o Gurumi Datetebi ma kuasa ma rabaka.

Yohanes 3:35

Ma Baba Gikimoi widodara igogou ma Ngopaka de lo wisiputuru sidago o bi moi-moi dangodu lo aku wapareta.