Yohanes 15:12 - O GIKIMOI AWI JAJI ma BUKU

¹² So Ngohi tinisulo nginika, ena gena maro Ngohi tinidodara nginika, de komagena ngini lo bilasu nimatekedodara moi de moika.

Yohanes 15:12 Referans Kwoze

1 Yohanes 4:21

Komagena so o Gikimoi wonasulo ngoneka nakoso o nyawa nagoona la kanaga yodupa o Gikimoi widodara, de o nyawa ona magena bilasu to ona manga dodiao ma Kristus wipipiricayaka lo yadodara.

Yohanes 13:34

De kanaga o sulo ma demo damomuane moi tinihike nginika, ena gena ngini bilasu nimatekedodara moi de moika. La imatero maro Ngohi tinidodara nginika, komagena lo ngini bilasu nimatekedodara moi de moika.

1 Petrus 4:8

De ma boboloi bilasu daputuru nimatekedodara moi de moika, sababu nakoso padodaraka, de o nyawa manga dorou ngoneka gena dangodu ngone he panano kawa de ona lo pasisala kawa.

1 Yohanes 3:23

De o kia Una wosusulo la paaka gena, ngone bilasu popiricaya igogou to Una Awi Ngopa o Yesus Kristus ena gena igogou-gogou o Salamati ma Kolano. De lo ngone bilasu pomatekedodara moi de moika, imatero maro o Gikimoi ngone wonasulo daboloka.

Roma 12:10

De bilasu ngini de nia dodiao ipipiricaya nimatekesikoboso imatero maro nia kusi-kusi. De bilasu niodupa de nidoma nimatekekohoromati moi de moika.

Efesus 5:2

O orasi isigeto-geto ngini niadupa bilasu niadodara o nyawaka, imatero maro ma Kristus ngone wonadodaraka. Ena gena, ma ngale ngone Una wodupa wosone maro o suba daloloha moi watide o Gikimoika de Una wadehe daloha.

1 Petrus 3:8

Mutuwade ngini ningodu bilasu nimatekekaaka daloha, ena gena nia sininga nisirimoi de nimatekesayangi, de nimatekedodara, de nimatekegalusiri de lo nia sininga damomuudu moi de moika.

1 Petrus 1:22

So ngini gena kanaga o dodoto itotiai nisigise daloha, so nia sininga asa ibolowo la nia dodiao ipipiricaya ona magenaka igogou niadodara. Komagena so bilasu ngini de nia sininga ibobolowo gena nimatekedodara moi de moika.

1 Tesalonika 4:9

De lo nako ngone popipiricaya pomatekedodara gena, ma ngale magegena o surati moi upa he milefo nginika, sababu magena o Gikimoi winidoto daboloka,

1 Tesalonika 3:12

De lo migolo tanu o Jou asa winiriwo la maro ngomi minidodara ngini, so ngini lo nia dodara ifoloisi idogo de daputuru la nimatekedodara moi de moika sidago lo nia dodara magena o bi nyawa yangoduka.

2 Tesalonika 1:3

Mia dodiao nipipiricaya, ma orasi mia sumbayang miatide, de ma ngale ngini de mia sumbayang dangodu ma rabaka kanaga mitemo, “Ya, Jou! Ani laha ka ilamo poli.” De ngomi mia sukuru gena itiai de itero, sababu ngini gena o Jou Yesus niwipiricaya foloisi daputuru de lo ngini nia oho ma rabaka foloisi nimatekedodara moi de moika.

Yohanes 15:17

So Ngohi tinisulo kali nginika, la bilasu nimatekedodara moi de moika.”

2 Yohanes 1:5

Ngini o gogobu moi, imatero maro o ngopedeka moi, ngohi manena bilasu o kia naga moi tinigolo nginika. Gena bilasu ngone pomatekedodara moi de moika maro o Gikimoi wonasuloka. O kia naga tinisulo magena, upa nitemo o kia naga damomuane moi, duma o kia ngohi tinigolo nginika gena ka imatero de o kia ngone popiricaya idomaka.