Yohanes 15:1 - O GIKIMOI AWI JAJI ma BUKU

¹ O Yesus woade-ade so wotemo Awi muri-murika, “Ngohi manena maro o anggur ma duhutu ma hutu moi, de Ai Baba Una maro wototoro moi so o anggur magena wodato Awi doroka.

Yohanes 15:1 Referans Kwoze

1 Korintus 3:9

Sababu ngohi de o Apolos gena mingodu o dodiao mimomanara o Gikimoi Awi manara miaaaka, de ngini gena nimatero maro to Una Awi doro wamomanara moi de lo to Una Awi nyawa o tahu moi ma rabaka.

Yohanes 6:55

Sababu to Ngohi Ai rohe gena o ino ma duhutu de Ai au lo o ake ma duhutu.

1 Yohanes 2:8

Duma o kia kanaga isuloka gena ngohi tinidelefo nginika, magena lo o hali damomuane moi. Sababu magena aku panako ma ngale ngone so ma Kristus wisangisara daboloka, de ngini nia manara ma dorou idodomaka gena niodongosaka, de o orasi manena nimatekedodara moi de moika. Magena maro o bubutu so ipasaka, de o orasi manena o nita ma siwa itotiai inidisiwa daboloka.

Markus 12:1

So komagena dabolo de o Yesus wobicara kali de to Una Awi ade-ade, o Yahudi manga roririka wotemo, “Kanaga o nyawa moi awi anggur raki wosidato de ma batino o pagari wosigilolika. Dabolo de una o busune wopuawe waaka o anggur ma dedeho. Kagena lo o falagaku ikukuruye moi wosigoko idadi o doro ma jojaga ma riho. Dabolo dangoduka, de o anggur ma raki magena wosisewaka o nyawa yamuruo naga yamomanaraka, kagena de una womajoboka o doku ma somoaka.

Matius 21:33

O Yesus wotemo kali o Yahudi manga roririka, “Niise o ade-ade moili manena. Kanaga o nyawa moi awi anggur raki wosidato de ma batino o pagari wosigilolika. Dabolo de una waaka o anggur ma dedeho. Kagena lo o falagaku ikukuruye moi wosigoko idadi o doro ma jojaga ma riho. Dabolo dangoduka, de o anggur ma raki magena wosisewaka o nyawa yamuruo naga yamomanaraka, kagena de una womajoboka o doku ma somoaka.

Yohanes 6:32

De kagena de o Yesus wosibicara onaka wotemo, “Awalele! O roti magena o sorogano so upa nitemo o Musano, duma magena igogou o Gikimoi idodomaka o Musaka wihike o roti itotiai o sorogano, Una magena wotemo asa winihike nginika.

Lukas 13:6

Dabolo de o Yesus wajarita onaka o ade-ade moi, wotemo komanena, “O nyawa moi awi doro ma rabaka gena kanaga o ara o hutu moi. Ma moiku una wahika la o ara magena ma sopo wanano, duma ma sopo moi lo ihiwa so wamakewa.

Matius 20:1

O Yesus wotemoli onaka, “O Gikimoi Awi pareta posiade-ade koloko wimoi o anggur ma doro ma duhutu kanaga ilangi-langisi de wosupu o nyawa wosari la yomanara awi anggur ma doroka. De o nyawa wamake,

Yohanes 1:9

“O nita ma duhutu he yadisiwa o bi nyawa yangoduka, de o nita magena asa imasidiado o dunia ma bi dokuka.” Komagena o Yohanes wotemo.

Yohanes 1:17

Kanaga o Gikimoi Awi bobita gena o Musa walefoka, duma o Yesus Kristus wosidumuka o Gikimoi Awi laha, de lo o Gikimoi Awi dodoto itotiai wonadotoka.

Matius 15:13

Una wotemo, “Dohaka o Farisika ma nyawa gena! Sababu o kia naga idadato la kanaga Ai Baba o sorogaka Awi dato dasowo, moi-moi magena dangodu igogou done asa irapu. O Farisika ma nyawa ona magena imatero maro o nyawa ipipilo de imakutuda ipipilo, sababu ona yanakowa o ngeko itotiai ikahika o Gikimoika. So nakoso o nyawa moi wopipilo de watuda o nyawa ipipiloli, de igogou yasinoto asa itura o busuneku.”

Yohanes 15:2

De Una wototoro magena kanaga Ngohika, nakoso o anggur ma hutu de ma uma gena isopowa, Una done asa walora o uma magena. De nakoso kanaga ma umaka la igogou de ma sopo, ma uma magena done asa Una wodebi ma ngale ma sopo foloisi idala.

Roma 11:17

Nako ngini o Yahudika ma nyawa nisowo la kanaga o Gikimoi winidehe dalohaka, ngini magena maro o gota zaitun yapapaliharawa gena ma bi uma-uma. So kagena isigapala de isidopiliku o gota zaitun yapapalihara ma hutu ma sonongano. Komagena isitagali o gota magena ma uma ngai muruo naga yabitoguka, ena gena o Yahudika ma nyawaka yadala o Gikimoi wahoholuka. So maro o orasi idodomaka de o Yahudika ma nyawa aku o Gikimoi Awi laha yamake, komagena ngini magena lo o Yahudika ma nyawa nisowo aku niamake.