Yohanes 14:1 - O GIKIMOI AWI JAJI ma BUKU

¹ De Awi muri-murika o Yesus wotemo, “Upa sidago ngini nia sininga isusa. Ka imatero de o Gikimoika ngini niwipiricaya, tanu ngini lo nipiricaya Ngohika.

Yohanes 14:1 Referans Kwoze

Yohanes 12:44

So kagena de o Yesus asa womatoore wotemo, “O nyawa nagoona la kanaga Ngohi gena ipiricayaka, upa nitemo ipiricaya cawali Ngohi, duma nakoso ipiricayaka magena Una woisusuloka so Ngohi tahino, Una magena lo asa wipiricaya.

Yohanes 6:40

Sababu Ai Baba Awi dupa gena o nyawa yangodu nakoso ipiricaya Ngohi, ona magena asa yamake o oho ka sidutu ikakali. De ma orasi o dunia ma dodoguka asa Ngohi manena tasimomi de tasioho kali.”

1 Petrus 1:21

Ma ngale Una magegena so ngini aku o Gikimoi niwipiricaya. O Gikimoi gena ma Kristus o soneno wisioho kali de lo wisimuliaka, ma ngale ngini gena niwipiricaya de niwingongano o Gikimoika.

Yohanes 13:19

De magena idadi waasi de kanaga Ngohi tinisingangasu idoma nginika, la o orasi magena yaadoka, de ngini asa nipiricaya igogou, Ngohi manena o Salamati ma Kolano.

Efesus 1:15

So nakoso ngohi tososininga o bi laha moi-moi gena dangodu ngini niamakeka, de ngohi bilasu o Gikimoika totemo, “Ya, Jou! Ani laha ka ilamo poli.” Ma orasi o habari ma ngale ngini niwipiricaya daputuru o Jou Yesuska de lo nia dodara o Gikimoi Awi nyawa yangodu gena ngohi toiseka,

Yohanes 12:27

To Ngohi Ai rohe datoraka, so o kia asa Ai Babaka togolo. Upa sidago totemo, ‘Baba, tanu Ngona noisirese to Ngohi Ai sangisara manena.’ Magena togolowa, sababu igogou Ngohi tahino o orasi manena ma ngale Ngohi aku Ai sangisara manena tamoku.”

2 Tesalonika 2:2

Duma nakoso kanaga o habari itemo la o Jou Yesus Awi hino ma wange gena imasidiadoka, ngomi migolo nginika la upa he cai-cai nisawangi de nia sininga ma rabaka iruwahe, ngaroko o nyawa itemo o habari magena igogou o Gurumi Datetebi womisingangasu dabolo ngomika, eko itemo ngomi masirete misibicara daboloka, eko itemo ngomi o surati ma rabaka mialefo lo daboloka.

2 Korintus 2:7

Bilasu ngini o nyawa una magena ka niwisiapongu de lo awi sininga nisiputuru. Upa sidago una done de awi sininga ma beleso ifoloi idogo de awi ngongano itola.

Yohanes 11:33

Kagena de muna mododora de lo o Yahudika ma nyawa imisidoduuru lo yododora gena, Una wakelelo de asa Awi sininga ipeleso de lo foloi dasiri.

Yohanes 5:23

duma Ngohi taaka la ma ngale o nyawa yangodu asa Ngohi ihoromati, imatero de wihoromati Ai Babaka. So o nyawa nagoona la kanaga Ngohi ihoromatiwa, magena imatero de ona lo manga horomati ihiwa Ai Babaka, kiaka Una woisuloka la Ngohi tahino.

Yohanes 16:3

Komagena imaaka sababu ona iminako itiai waasi, bai Ai Baba bai lo Ngohi.

Yohanes 16:6

O orasi manena gena ngini nipeleso, sababu kangano tinidedemoka Ngohi bilasu tinidongosa.

Yohanes 16:24

Sidago o orasi manena gena ngini nigolo waasi de to Ngohi Ai ronga. Duma o orasi ka ma cunu kasi manena, de ngini bilasu nigolo komagena la asa niamake, so aku to ngini nia more de nia nali lo foloi ilamo.