Yohanes 13:8 - O GIKIMOI AWI JAJI ma BUKU

⁸ Kagena de Awi muri wotemo, “Idadiwa! Ka o orasi moi lo tonisimahawa, so upa Ngona de to ngohi ai dohu natiodo.” Kagena de Una wotemo, “Nakoso ngona la Ngohi tonitiodowa, de ngona magena ngaroko to Ngohi Ai nyawa imomote, duma ma duhutu kawa.”

Yohanes 13:8 Referans Kwoze

Titus 3:5

De to ngone nanga dorou Una wapiki de wasisaka, de lo Awi Gurumi Datetebi nanga sininga wamuane so nanga oho damomuane koloko asa inasibuo kali. De upa Una wonasisalamati sababu ngone o moi-moi itotiai paaka, duma Una masirete wonagalusiri ngoneka, so komagena asa Una wodupa ngone wonasisalamati.

Rasul 22:16

Mutuwade o orasi manena upa he notamaha. Nomomi la ngona ngohi toniosi, de o Jouka nogolo la tanu ani sala de ani dorou dangodu o Gikimoi wonisiapongu.’

Ibrani 10:22

De Awi au gena, ngone nanga sininga isitiai la aku panako kanaga ngone gena nanga sala ihiwaka. De o ake daloloha nanga rohe wosiosi maro o nonako moi ngone wonatebika. Komagena so hino la ngone de nanga sininga igogou de lo nanga piricaya itotatapu gena powisidate o Gikimoika.

Efesus 5:26

Una Awi ngale gena, ngone podadi to Una Awi nyawa masirete. Ngone gena Awi demo popiricayaka so de o ake inasiosi gena, koloko wonatebi dede o ake so isinonako igogou nanga dorou Una wapikika.

1 Korintus 6:11

Idodomaka ngini nimuruo naga lo komagena niaakaka. Duma ngini magena nia dorou dangodu nanga Gikimoi asa wosiapongu de waaka so, maro Una Awi sininga, komagena lo to ngini nia sininga datetebi de lo itotiai. Magena dangodu idadi de Awi Gurumi ma kuasa sababu o Jou Yesus Kristus niwipiricayaka.

Gogelelo 7:14

De ngohi tosango totemo, “Baba, ngona noinako ngohi manena gena o kia-kiawa tosihoda, duma o hali moi-moi idadadi magena igogou ngona ka nanako.” Kagena de una wotemo, “O nyawa magena ngaroko o sangisara ilalamo yatapaduka, duma manga piricaya o Yesuska gena yodongosawa, so ona manga juba magena isitiodo de o Duba ma Goho Awi au so idadi daareka.

Gogelelo 1:5

de lo o Yesus Kristus aku powipiricaya la Una Awi dodoto ma ngale o Gikimoi gena asa wosingangasu. Una gena o Gikimoi ma Ngopa womatetengo gena o sone ma rabano wisioho kali de lo nako o bi kolano o dunia ma bi dokuka manga kuasa gena, Una Awi kuasa foloi ilamo. Yesus, Ngona magena asa ngomi nomidodaraka de nosone de Ani au ikopola ma ngale mia dorouno nomipalakoka.

Kolose 2:23

De o bobita magena upa lo o nyawa itemo ma sihino o cawarono, duma ka cawali o nyawa manga agamano. Sababu kanaga imatero de youule so imahadoku, ena momongo ona imasihie, de lo manga edekati o dorou yaholu sidago lo imasangisara, yaaka ma ngale o nyawa itemo ona yatebi. Duma de manga buturu masirete igogou yaakuwa manga dupa datotorou yapareta.

Kolose 2:18

So bilasu ngini gena upa he niasimaha o nyawa ona magena inibaja kali de inikulai so ma Kristus niwipiricaya kawa de nia hadiah Unano niamake kawa. Sababu o nyawa ona magena yahino imatero de youule so imahadoku, ena momongo ona imasihie, de lo o bi malaikat yasuba. Ona itemo manga kuasa ma sihino gena o moi-moi o kia naga yakokelelo manga doguruga masirete ma rabaka, de ngaroko ma sababu ihiwa, duma imasihie de cawali yamote manga dupa datotorou manga sininga ma rabaka.

Yohanes 3:5

So kagena de o Yesus asa wosango unaka wotemo, “Igogou! O nyawa yaaku waasi o Gikimoi Awi pareta ma rabaka iwosa, ka cawali ona nagoona de o ake de lo o Gikimoi Awi Gurumi yasibuo kasi.

Matius 26:33

De o Petrus wotemo, “Hiwa, Baba! Ngaroko ai dodiao ona Ngona nidolodaka, duma ma bati tosone ngohi tonidongosawa, Baba.”

Matius 21:29

Ma ngopa magena wosango, ‘Ngohi toholu.’ Duma ma dodoguka de awi sininga itagali, so una ka wotagi o anggur ma doroka womanara.

Matius 26:35

O Petrus wosango de wotemo, “Hiwa, Baba! Ngaroko ngohi tosone dede Ngona, duma igogou ngohi tomanosuwa.” De Awi muri-muri ma binuka lo manga demo komagena.

Matius 16:22

La o Petrus woise de o Yesus Awi giaka walia la imatingaka, gila-gila wisidapano wotemo, “Jou, tanu o Gikimoi wonisiraro la upa idadi komagena.”

Dodadi 42:38

Duma manga baba wotemo, “Hiwa! Upali ai ngopa wononongoru gena winimote kali. Sababu ma ria o Yusuf wosoneka, so ka cawali una womatengo kasi. De nia dodagi ma rabaka la nakoso o bodito so una wosone kali, gena imatero maro ngini ngohi niaka ai sininga niasiri kali, sidago lo tosone.”

Yohanes 13:6

So wahino o Simon Petruska, de Awi muri una magena wotemo, “Jou, dadoohaso Ngona notemo maro to ngohi ai dohu de Ngona natiodo.”

Yohanes 13:9

So Awi muri una magena wotemo kali, “We, Jou! Nako komagena, de upa ka to ngohi ai dohu duma bilasu de ai sahe de ai gia lo natiodo.”