Yohanes 13:5 - O GIKIMOI AWI JAJI ma BUKU

⁵ Wosipilikuka, de o ake wadehe de woguse o bokolku de womaaka maro o gogilalo moi, so Una Awi muri-muri manga dohu watiodo de Awi handok lo wosieseka.

Yohanes 13:5 Referans Kwoze

Lukas 7:44

Dabolo de womakiliho so womikelelo o ngopedeka muna magenaka, de wotemo o Simonka, “Ngona nomisininga o ngopedeka manena. Kangano Ngohi totulu ani tahuka, de ngaroko nanga biasa, duma ngona o ake nosidailakowa la Ai dohu tatiodo. Duma muna manena Ai dohu matiodo de to muna ami kongo de ami hutu lo mosiese la mosidudu.

Dodadi 19:2

de lo wotemo, “Baba-baba, nako yaaku de tanu nitulu kasi ngohi tinihoromati ai tahuka. Kanena aku nia dohu niatiodo, de lo nimaidu, la ilangi o goginitano de asa to ngini nia dodagi niadofa kali.” Duma ona itemo, “Dadoohawa. Dohaka bato la ngomi putu manena o kota manena ma lapanganka mimasidodogu.”

1 Timotius 5:10

De bilasu muna magena lo o nyawa minako o orasi isigeto-geto ka o loha maaka. Komagena bilasu muna ami ngopa-ngopa mapalihara dalohaka, de modupa maaso o nyawa ma somoa imasidodogu ami tahuka, de lo modupa maleleani o bi nyawa o Yesus wipipiricaya de ami sininga ma loha o bi nyawa isususaka. So komagena muna foloi modupa o loha moi-moi dangodu gena maaka mokaeli.

Dodadi 18:4

Hino la ngohi asa tasulo ai gilalo ileleleani o ake yodehe ma ngale to ngini nia dohu yatiodo kasi. Nimomodo so tanu niahino kanena o gota ilalamo ma litimika la nimasiwoma kasi.

Gogelelo 7:14

De ngohi tosango totemo, “Baba, ngona noinako ngohi manena gena o kia-kiawa tosihoda, duma o hali moi-moi idadadi magena igogou ngona ka nanako.” Kagena de una wotemo, “O nyawa magena ngaroko o sangisara ilalamo yatapaduka, duma manga piricaya o Yesuska gena yodongosawa, so ona manga juba magena isitiodo de o Duba ma Goho Awi au so idadi daareka.

Ibrani 10:22

De Awi au gena, ngone nanga sininga isitiai la aku panako kanaga ngone gena nanga sala ihiwaka. De o ake daloloha nanga rohe wosiosi maro o nonako moi ngone wonatebika. Komagena so hino la ngone de nanga sininga igogou de lo nanga piricaya itotatapu gena powisidate o Gikimoika.

Efesus 5:26

Una Awi ngale gena, ngone podadi to Una Awi nyawa masirete. Ngone gena Awi demo popiricayaka so de o ake inasiosi gena, koloko wonatebi dede o ake so isinonako igogou nanga dorou Una wapikika.

1 Korintus 6:11

Idodomaka ngini nimuruo naga lo komagena niaakaka. Duma ngini magena nia dorou dangodu nanga Gikimoi asa wosiapongu de waaka so, maro Una Awi sininga, komagena lo to ngini nia sininga datetebi de lo itotiai. Magena dangodu idadi de Awi Gurumi ma kuasa sababu o Jou Yesus Kristus niwipiricayaka.

Rasul 22:16

Mutuwade o orasi manena upa he notamaha. Nomomi la ngona ngohi toniosi, de o Jouka nogolo la tanu ani sala de ani dorou dangodu o Gikimoi wonisiapongu.’

1 Yohanes 5:6

O Yesus Kristus Una o duniaku wisuloka, so ma orasi Una wahino, Una wiosi de o ake ma ngale womanara. De ma orasi wosone, de Una Awi au gena ikopola ma ngale nanga dorou. Komagena upa ka cawali wiosi de o akeka. Duma Una asa wahino de Awi ngale wiosi de o ake bai, sidago wosone de Awi au lo ikopolaka bai. De lo o Gikimoi Awi Gurumi wosingangasu o bi moi-moi ma ngale ma Kristus gena igogou, sababu o Gurumi gena ka wotero.

1 Yohanes 1:7

Duma maro Una Awi siningaka o dorou moi lo ihiwa, komagena lo ngone, nakoso ngone nanga sininga ma rabaka Una ka powinakosi so o moi-moi o kia itotiai gena igogou podupa paaka. Magena maro o nita ma rabaka pogoge. De nakoso paaka komagenaka, ngomi de ngini aku pomatekerimoi de lo ma ngale nanga dorou so ma Ngopa, o Yesus, wodupa wosone ma ngale o Gikimoi ngone nanga dorou ma rabano asa wonasisupu, so ngone gena nanga sala ihiwaka.

Yohanes 19:34

Ngaroko komagena, duma to Una Awi alu ma ngunu gena o nyawa moi o prajurit manga sidongirabaka de o tuba wasuru, sidago imatodoka o au de lo o ake imakacapu isupu de iuhi.

Lukas 7:38

Maaho de mogogeku o Yesus Awi dohuka, de asa moari. Una Awi dohu magena de ami kongo mosipesaka. Dabolo de ami hutu lo asa Awi dohu maese la dadudu, de mahame, de lo o gososo dabobou gena moguse de mosidahu.

Gogelelo 1:5

de lo o Yesus Kristus aku powipiricaya la Una Awi dodoto ma ngale o Gikimoi gena asa wosingangasu. Una gena o Gikimoi ma Ngopa womatetengo gena o sone ma rabano wisioho kali de lo nako o bi kolano o dunia ma bi dokuka manga kuasa gena, Una Awi kuasa foloi ilamo. Yesus, Ngona magena asa ngomi nomidodaraka de nosone de Ani au ikopola ma ngale mia dorouno nomipalakoka.

Yohanes 13:10

Komagena de Una wotemo Awi murika, “Nakoso o nyawa la kanaga imaosi dabolo, manga rohe datebi so o ngekoka itagi-tagi de ilihono de ka cawali manga dohu bilasu yatiodo. De ngini kanena nia sidongirabaka, nako nia sininga ma dorou gena ningodu niatebika, ka cawali una womatengo watebi waasi.”

Yohanes 13:8

Kagena de Awi muri wotemo, “Idadiwa! Ka o orasi moi lo tonisimahawa, so upa Ngona de to ngohi ai dohu natiodo.” Kagena de Una wotemo, “Nakoso ngona la Ngohi tonitiodowa, de ngona magena ngaroko to Ngohi Ai nyawa imomote, duma ma duhutu kawa.”

Dodadi 43:24

So ona yangodu wangaho kagena o Yusuf awi tahu ma rabaka, de o ake wotota ma ngale manga dohu yatiodo de o dumule wodehe ma ngale manga keledai lo aku iodo.

Yohanes 13:6

So wahino o Simon Petruska, de Awi muri una magena wotemo, “Jou, dadoohaso Ngona notemo maro to ngohi ai dohu de Ngona natiodo.”