Yohanes 13:19 - O GIKIMOI AWI JAJI ma BUKU

¹⁹ De magena idadi waasi de kanaga Ngohi tinisingangasu idoma nginika, la o orasi magena yaadoka, de ngini asa nipiricaya igogou, Ngohi manena o Salamati ma Kolano.

Yohanes 13:19 Referans Kwoze

Yohanes 14:29

Kanaga Ngohi tosone waasi de o Gurumi Datetebi lo wahino waasi, duma Ngohi tinisingangasu idomaka, la ma ngale ma orasi idadi gena ngini asa niosininga Ngohi gena tinisingangasuka, so magena asa niopiricaya igogou de itiai.

Yohanes 16:4

Ngohi tinisingangasu komagena, la ma ngale done ma orasi o bi moi-moi maro komagena imaaka nginika, de ngini aku Ai demo magena niososininga so foloi nisiputuru.” “O bi moi-moi magena ma nonomaka Ngohi ngini tinisingangasu waasi, sababu Ngohi kanagasi dede ngini.

Yohanes 8:58

De o Yesus Una magena asa wotemo onaka, “O Abraham wisibuo waasi, de igogou Ngohi he kanaga dede o Gikimoika.”

Matius 24:25

So bilasu nimasitiari daloha! Sababu o moi-moi dangodu manena Ngohi tinisingangasu idomaka la ngini nianakoka, ngaroko idadi waasi.

Matius 11:3

So Una wimakeka, de ona o Yohanes awi sano gena widedemo Unaka itemo, “Baba, idodooha Ngona gena igogou o Salamati ma Kolano ngomi miwidodamaha, kiaka o Gikimoi womijajajika, eko ngomi bilasu o nyawa ma somoa moili miwidamaha.”

Yohanes 1:15

Ma ngale Una magena so o Yohanes igogou wasingangasu o bi nyawaka, de wotemo womaili-ilika, “Ma ngale Una magena ngohi totemo idomaka, ‘Done wimoi asa wahino wotuuruno, gena Awi manara foloi ilamo, sababu ngohi isibuo waasi de Una he kanaga woohoka.’ ”

Lukas 21:13

Gena ka orasi moi la ma ngale to ngini nia piricaya Ngohika gena niasingangasu onaka.

Yohanes 4:26

De o Yesus wotemo munaka, “Nako Una magena, ka ka Ngohi dabolo.”

Yohanes 8:28

So kagena de Una wotemo, “Ma orasi done ngini o Nyawa ma Duhutu o sangahadiye niwisidola, de o orasi magegena ngini asa nianako igogou-gogou Ngohi manena o Salamati ma Kolano. De lo asa nianako to Ngohi Ai dodoto masirete dasowo, duma Ngohi tosibicara maro o kia kanaga Ai Baba woidodoto Ngohika, so to Ngohi Ai demo kamagena.