Yohanes 13:11 - O GIKIMOI AWI JAJI ma BUKU

¹¹ Komagena wotemo onaka, sababu una womatengo done asa wisiiija magena, naguuna gena Una he wanakoka.

Yohanes 13:11 Referans Kwoze

Yohanes 13:26

Kagena de Una wotemo, “Nakoso o roti manena la tongadoka de towihike unaka gena, he una magena dabolo.” So wotemo komagena dabolo de Una o roti moi wadehe de wongado o lelengaku de wihike o Yudaska, una o Simon Iskariot ma ngopa.

Yohanes 13:21

So o Yesus wasitemo daboloka, de Una Awi sininga asa foloisi ipeleso, de asa wotemo wosingangasu kali onaka, “Igogou-gogou o nyawa moi kanaga to ngini nia sidongirabano asa Ngohi woisiija Ai lawangika.”

Yohanes 13:18

O kia naga Ngohi tinidedemo nginika gena nia sininga ma dorou yatiodoka, kanaga tinisidumu duma ningoduwa. Kanaga moi una o nyawa ma dorou, una towisidumuwa, sababu o nyawa nagoona Ngohi tahihirika, ona magena igogou Ngohi tanako. Duma Ngohi tinidedemo komagena, la ma ngale isiganapu maro o kia isilelefo idomaka o Gikimoi Awi Jaji ma Buku ma rabaka itemo, ‘Kanaga o nyawa moi woodo dede Ngohi, una magena done asa womadadi to Ngohi Ai lawangi.’

Yohanes 13:2

So daputuku de kanaga ona yoodo de o Iblis idomaka o Yudaska, ena gena o Simon Iskariot ma ngopa, gena wiaka dabolo so wisigurubuka, o aturu datotorou moi kanaga awi sininga ma rabaka itemo, “Ngohi aku o Yesus towisiija.”

Yohanes 2:25

Komagena lo ma ngale o nyawa manga sininga gena upa he o nyawa asa iwisingangasu, sababu igogou Una wanako daboloka.

Yohanes 17:12

Ma orasi Ngohi kanaga dede onasi gena, de Ani kuasa noihihike Ngohika aku ona tajaga. Ona yangodu gena igogou tajaga daloha, so upa sidago ona magena yasisa. Ka cawali una moi kanaga o dorou ma sopo wamamake, la ma ngale o kia idomaka isilelefo Ani Jaji ma Bukuka gena isiganapuka.

Yohanes 18:4

Kagena de o Yesus o kia bilasu idadi Unaka gena dangodu he wanakoka, so Una asa wotagi wasibubusu ona magena de wotemo, “He! So ngini manena niahino kanena gena naguuna niwisari.”