Yohanes 12:6 - O GIKIMOI AWI JAJI ma BUKU

⁶ Una awi demo ma ngale gena, ngaroko, wosidoohawa o nyawa isususaka, so cawali ma ngale una masireteka, sababu una wodupa watosi. Una magenaka o Yesus Awi muri-muri manga manara ma pipi gena una wisicoho de ma nonoma kasi masoa-masoa kanaga o pipi yatotolomuno gena una watosi.

Yohanes 12:6 Referans Kwoze

Yohanes 13:29

De ma sababu to ona manga manara ma pipi wisicoho unaka, so yamuruo naga imafikiri manga siningaka itemo, “Nagala una wotagi la ma ngale ngone nanga rarame ma ino woija,” de ma binuka manga siningaka itemo, “Igogou, wisulo la wotagi ma ngale o pipi o nyawa isususaka wahike.”

Yakobus 2:6

Duma ngini gena dadoohaso o nyawa isususaka de niasiceke. Ce! Nianakoka o nyawa ikakaya gena manga dupa ngini lo inisidipito, so asa ona nisangisara, sidago lo ningaho la nisirisima o bobareta manga hakimka.

Yakobus 2:2

Magena imatero maro ngini, sababu ngini gena nakoso o orasi moi nimatolomuno, de kanaga o nyawa wokakaya moi wowosa de awi baju daloloha de lo o ali-ali guraci awi gia ma raragaka, bolo de kanaga lo o nyawa moili wosususa wowosa so una asa de awi baju itotola-tola,

1 Tesalonika 5:22

de komagena lo nimasirese o bi dorou moi-moi ma gia ma sohano.

Galatia 2:10

Komagena de kanaga ona manga gogolo cawali ngai moi gena, ma ngale o Yahudika ma nyawa manga sidongirabaka la kiaka ona isususa gena tanu ngomi miariwo. De magegena maro o kia naga moi ngohi todudupa so o orasi isigeto-geto gena taaka daboloka.

1 Korintus 6:10

Komagena lo ona yototosi, de o arata yodesere, de yatobadalu, de o nyawa manga ronga ma dorou yogaka de lo yokokoora, ona magena lo yaakuwa iwosa o Gikimoi Awi paretaka.

Yohanes 10:13

O nyawa una magena ka woloda de o bi duba wadongosa sababu una asa ka wisewa, mutuwade una o bi duba gena he wosidooha kawa.

Matius 21:13

Dabolo de wotemo, “O Gikimoi Awi Jaji ma Buku ma rabaka isilelefo Una wotemo komanena, ‘To Ngohi Ai tahu manena idadi o bi nyawa manga riho moi la kanena isuba de isumbayang.’ De dadoohaso ngini niaaka ikokokoora manga dodutulu ma riho. Ce!”

Lukas 8:3

Mimoi ongo Yohana o Khuza ma pedeka, una woleleleani moi o Kolano Herodes awi kadatoka. Kanaga lo ongo Susana de lo o bi ngopedeka ma somoali yadadala. O ngopedeka ona magena de manga pipi masirete aku yariwo o Yesus de lo Awi muri-muri.

Yohanes 12:5

“Ce! Dadoohaso posiijawa o gososo dabobou magena, la ma ngale ma pipi gena aku o nyawa isususaka pahike. Ma ija gena nagala pahali-haliku.”