Yohanes 11:5 - O GIKIMOI AWI JAJI ma BUKU

⁵ Kanaga ongo Marta, de ongo Maria, de lo manga hira o Lazarus ona magena igogou Una wadodara.

Yohanes 11:5 Referans Kwoze

Yohanes 17:26

Ma ngale Ngona gena Ngohi tonisinako onaka, de magena asa taaka tomatoguwa, la ma ngale maro Ngona noidodara Ngohika, komagena aku ona lo yadodara o nyawaka, de Ngohi masirete lo aku to ona manga rabaka.”

Yohanes 16:27

Hiwaka! Ngini masirete gena aku Unaka nimagolo, sababu Una magegena ngini he winisibosoka. Ngini gena Ngohi nisibosoka, de Ngohi lo igogou nipiricayaka Ngohi o Gikimoino tahino, so Una asa ngini winisiboso.

Yohanes 11:36

So kagena o Yahudika ona lo iwikelelo Una woari de itemo, “Kodo! Una lo wisininga bai!”

Yohanes 11:8

De ona asa itemo Unaka, “Asitagala! Baba Guru, o Yahudika ma nyawa o Yudeaka igogoge gena asa ka itemo, ma ngale Ngona done asa o teto inisipapaka, de Ngona o orasi manena nodupa la ngone asa kagena pokahikali?”

Lukas 10:38

O Yesus de Awi muri-muri manga dodagi ma rabaka, de ona imasidiado o doku moika. O doku magenaka kanaga o ngopedeka moi, ami ronga ongo Marta, mowiaso Una ami tahuka wotulu.

Lukas 10:40

Duma ongo Marta muna magena mokahika mokahino, ma ngale o moi-moi manga tahuka gena bilasu mosidailako. De muna mahino Unaka, de motemo, “Jou, idodooha Ngona nodupa ai nongoru muna magena moidohaka la ngohi tomanara ka tomatengoka. Nomisulo la muna lo moiriwo.”

Lukas 10:41

O Jou Yesus wotemo, “We, Marta! Ngona gena ma ngale o moi-moi idala nosihawateri de ani sininga iruwahe.

Yohanes 11:1

Kanaga o nyawa moi asa wopanyake, una magena awi ronga o Lazarus. Una o Betaniaka ma nyawa de awi bira yasinoto ona lo yogoge o Betania ma dokuka. De awi bira moriria ami ronga ongo Marta de mononongoru ami ronga ongo Maria.

Yohanes 11:3

De manga hira o Lazarus wopanyake so awi bira ona magena asa o nyawa yasulo la itagi o Yesuska iwidedemo, “Jou, to Ngona Ani dodiao nowisosininga gena una wopanyake.”

Yohanes 11:6

Ngaroko komagena, ma orasi Una woise o Lazarus gena wopanyake, Una wotagi waasi de kagena wogogoge ma deka o wange sinotosi.