Yohanes 11:11 - O GIKIMOI AWI JAJI ma BUKU

¹¹ So hino Ai muri-muri, kanaga nanga dodiao o Lazarus gena wikioloka so Ngohi kagena totagi unaka, ma ngale una magena Ngohi towisimomi.”

Yohanes 11:11 Referans Kwoze

Yohanes 11:13

Duma de Awi demo magegena asa Una Awi ngale gena o Lazarus wosoneka, de Awi muri-muri ka yatagapi yotemo una wikioloka.

1 Tesalonika 5:10

O Yesus wosoneka ma ngale o orasi ma simaka Una wahino kali, de bai ngone pooohosi bai ngone pososoneka, ngone inangodu asa pooho dede Una.

1 Korintus 15:51

Nimasidodiahi! Ngohi asa ngini tinisingangasu o kia naga moi o nyawa yananako waasi de o orasi manena o Gikimoi kanaga wonasimane ngoneka. Done ma orasi o Jou Yesus wahino kali gena, ngone posone inangodu waasi, de ngaroko poohosi eko posoneka, duma inangoduka asa o rohe damomuane pamake.

Rasul 7:60

De lo wobukuku de womatoore awi ili walamo-lamo, “Jou, upa lo o dorou manena nasimoku onaka!” Wotemo komagena, dabolo de wosoneka.

Matius 27:52

O bi boosu ma diaru ipelenga de o Gikimoi Awi nyawa isosone imomi so ioho kali.

Efesus 5:14

De o kia bato la kanaga aku yakelelo itiai komagena, gena asa itagali la idadi o nita. Magena ma ngale o demo ma duuruka manena itemo, “Ngona nikokiolo gena hika nomomi, o sone ma rabano nosupu kasi, de ma Kristus Awi nita asa nidisiwa ngonaka.”

Markus 5:39

Kagena de Una wowosa de wotemo onaka, “O ngopa muna manena mosonewa, duma mikioloka, so upa niari.”

Matius 9:24

Duma Una wotemo onaka, “Ce! O ngopa muna manena mosonewa duma mikioloka. So nisupu kasi!” Duma o nyawa yadadala magena yanako o ngopa muna magena mosoneka, so yangodu Una wisiihe.

Yakobus 2:23

Sababu maro komagena o Gikimoi Awi Jaji ma Bukuka itemo dabolo, ‘O Abraham una magena o Gikimoi wipiricayaka, so o Gikimoi wotemo o Abraham awi sininga gena itiai Unaka.’ De lo una asa wisiaso maro o Gikimoi Awi dodiao.”

1 Korintus 15:34

Asitagala! Hika nia sininga gena itiai kali. Bilasu o dorou niaaka kawa bai! Kanaga ngini nimuruo naga o Gikimoi niwinako itiai waasi. Magena totemo la ma ngale ngini tinisimade.

1 Korintus 15:18

De lo o nyawa wipipiricaya la isoneka, ona magena de manga ngongano ihiwaka, so ona dede o Gikimoi gena imakitingaka.

Yohanes 11:3

De manga hira o Lazarus wopanyake so awi bira ona magena asa o nyawa yasulo la itagi o Yesuska iwidedemo, “Jou, to Ngona Ani dodiao nowisosininga gena una wopanyake.”

Yohanes 3:29

Igogou, o Yesus Awi manara dede to ngohi ai manara gena, to Una Awi manara foloi ilamo. Ma orasi o kawi ma rarame ma rabaka de ngohi maro wokakawi awi dodiao moi. Ngaroko una kanaga o bi moi-moi dangodu gena waaturu, duma muna mokakawi gena de una magena wisowo. Wokakawi awi dodiao gena wisulo wodomano, ma ngale ka waaka to muna mokakawi ami dailako. Wosidailako daboloka, de ma orasi wokakawi wahino so muna gena womingoso de awi nali de awi more gena, awi dodiao magena woise so una lo foloisi winali. Maro wokakawi awi dodiao awi more, komagena ngohi lo aku ai more de lo ai nali ifoloi.

Yohanes 11:10

Duma nakoso o nyawa la imadagi o bubutu ma rabaka, ona gena o bubutu yafatika, sababu manga rabaka gena o nita ihiwa.

Yohanes 11:12

Kagena asa Awi muri-muri magena itemo Unaka, “Jou, nakoso igogou wikiolo, de sutusi una asa womamalo de womomi kali.”