Yohanes 10:13 - O GIKIMOI AWI JAJI ma BUKU

¹³ O nyawa una magena ka woloda de o bi duba wadongosa sababu una asa ka wisewa, mutuwade una o bi duba gena he wosidooha kawa.

Yohanes 10:13 Referans Kwoze

Filipi 2:20

Ka cawali o Timotius una magena ngini winisosininga maro ngohi lo ngini tinisosininga.

Yohanes 12:6

Una awi demo ma ngale gena, ngaroko, wosidoohawa o nyawa isususaka, so cawali ma ngale una masireteka, sababu una wodupa watosi. Una magenaka o Yesus Awi muri-muri manga manara ma pipi gena una wisicoho de ma nonoma kasi masoa-masoa kanaga o pipi yatotolomuno gena una watosi.

Rasul 18:17

Nogena yosupuka, de o nyawa moi awi ronga o Sostenes, o puji ma tahu ma sahe, una magena iwitago de iwingaho o hakim ma tahu ma simaka so ona iwingangapo, duma o manara komagena o Galio womaha-mahawa.

Yohanes 10:12

Duma nakoso o nyawa moi la ka wisewa so o bi duba wojaga, ma orasi o kaso labara yahino, una magena done asa ka woloda so o bi duba lo wadongosaka. Sababu una gena o bi duba ma duhutu wisowo, una ka wisesewa moi. So o kaso labara yahino de o bi duba ma binuka yagoli de o duba ma binukali iloda de ipiringaka.

Yohanes 10:14

Ngohi manena o sowohi moi Ai duba tojaga daloha. Sababu Ngohi Ai duba masirete gena moi-moi asa igogou tanako de Ai duba moi-moi lo Ngohi ka inako.

1 Korintus 7:32

Ngohi tongongano gena ngini nia sininga magena he isusa kawa. O nyawa moi la kanaga womodoka waasi, una magena wodupa wosininga cawali o Jou Awi manara gena idodooha aku o Jou iwisisanangi.

1 Korintus 7:33

Duma o nyawa moi la kanaga de wipedekaka, una magena bilasu wosininga awi oho o dunia manena ma rabaka gena idodooha aku ma pedeka womisisanangi,