Yohanes 1:9 - O GIKIMOI AWI JAJI ma BUKU

⁹ “O nita ma duhutu he yadisiwa o bi nyawa yangoduka, de o nita magena asa imasidiado o dunia ma bi dokuka.” Komagena o Yohanes wotemo.

Yohanes 1:9 Referans Kwoze

Yohanes 12:46

Ngohi manena o nita o dunia ma bi nyawaka, la ma ngale ona magena nakoso Ngohi ipiricayaka, de upa he o bubutu ma rabaka igoge.

1 Yohanes 2:8

Duma o kia kanaga isuloka gena ngohi tinidelefo nginika, magena lo o hali damomuane moi. Sababu magena aku panako ma ngale ngone so ma Kristus wisangisara daboloka, de ngini nia manara ma dorou idodomaka gena niodongosaka, de o orasi manena nimatekedodara moi de moika. Magena maro o bubutu so ipasaka, de o orasi manena o nita ma siwa itotiai inidisiwa daboloka.

Yohanes 1:4

O Demo gena Una o oho ma hutu so o moi-moi dangodu wosioho. Komagena lo o nita ma duhutu so aku yaado o bi nyawaka.

Yohanes 1:7

Una magena wahino ma ngale o nita ma duhutu magegena wosingangasu o bi nyawaka, la ma ngale ona yangodu o demo magena aku yoise de lo yopiricaya.

1 Yohanes 5:20

De ngone lo panako o Gikimoi ma Ngopa wahino daboloka, de Una lo wonasinako ngoneka la ngone gena de o Gikimoi wototiai igogou powinakoka. Ngone de o Gikimoi gena pomatekerimoika, de ngone lo dede ma Ngopa o Yesus Kristus lo pomatekerimoika. So, ai ngopa-ngopa tinisosininga, igogou-gogou ma Kristus Una magena o Gikimoi wototiai de Una magena lo o oho ka sidutu ikakali.

Yohanes 14:6

So Una wasingangasu wotemo, “Ngohi manena tomadadi o ngeko o Gikimoika, de o dodoto itotiai gena tadoto la o nyawa aku iwinako itiai, de Ngohi lo o oho ma hutu. Mutuwade kanaga o nyawa nagoona lo yaakuwa yotagi Ai Babaka nakoso ona yoholu Ngohi tangaho, sababu Ngohi gena o ngeko ikokahika Unaka.

Yohanes 6:32

De kagena de o Yesus wosibicara onaka wotemo, “Awalele! O roti magena o sorogano so upa nitemo o Musano, duma magena igogou o Gikimoi idodomaka o Musaka wihike o roti itotiai o sorogano, Una magena wotemo asa winihike nginika.

1 Yohanes 1:8

De lo nakoso ngone potemo, “Ngohi ai sininga ma rabaka o dorou moi lo ihiwa,” de ngone masirete gena pomakulai de lo poholu paaka o Gikimoi Awi dodoto itotiai.

Yohanes 15:1

O Yesus woade-ade so wotemo Awi muri-murika, “Ngohi manena maro o anggur ma duhutu ma hutu moi, de Ai Baba Una maro wototoro moi so o anggur magena wodato Awi doroka.

Yohanes 7:12

Kagena o nyawa yadadala manga sidongirabaka kanaga lo ma ngale Una iwisibicara gena ka imatekegogurubu moi de moika, duma ma binuka itemo, “Una Awi sininga daloha.” Ma binukali itemo, “Hiwa! Igogou, Una o nyawa wokokulai, wodupa o nyawa wasihaga.”

Matius 6:23

Duma nakoso ngini nia lako datorou, de ngini nia ginano lo dafaja de datorou. So nakoso o Jou la kanaga nia sininga wosidisiwaka, de ngini niaaka so nia sininga dapuputu kali, so nia sininga gena maro o sakaputu yasaoka.

Lukas 11:36

So nakoso o Jou Awi nita kanaga nia sininga yosidisiwaka sidago lo nia sininga dapuputu kawa, de ka o nita ma rabaka aku nigoge, maro o nita kanaga yasidisiwa o tahu moika.”