Yohanes 1:51 - O GIKIMOI AWI JAJI ma BUKU

⁵¹ De lo ngona tonisingangasu igogou, ngona done asa nakelelo o soroga ipelenga de o Gikimoi Awi malaikat-malaikat kanaga maro Ngohi o Nyawa ma Duhutu Ai simaka ona magena asa iuti de idola.”

Yohanes 1:51 Referans Kwoze

Dodadi 28:12

De awi gogiolo ma rabaka asa una wotoguruga gena wakelelo o ngute ikukuru-kuruye moi iokoye o duniaka, de ma ide sidago o sorogaye itiki eko yaado. De wakeleloli o Gikimoi Awi malaikat-malaikat gena iuti de idola, yamote o ngute magegena.

Rasul 7:56

So o Stefanus wotemo, “He! Nianano! Ngohi takelelo o soroga ipelengaka, de o Nyawa ma Duhutu wopopareta womaokoye o Gikimoi Awi girinaka.”

Lukas 22:43

Kagena de o malaikat moi o sorogano wahino Unaka de iwisiputuru.

Lukas 2:13

Imatodokali o malaikat magena dede kanaga o malaikat ma somoali o sorogano idala icarawa imasimane, de ona o Gikimoi wigiliri itemo,

Markus 14:62

Kagena de Una wosango wotemo, “Igogou, Ngohi manena Una. De ngini asa nikelelo Ngohi o Nyawa ma Duhutu tomatamiye o Gikimoi Wokokuasa Awi girinaka, de lo asa nikelelo o sorogaka de tokahino touti o lobi-lobi ma rabaku.”

Markus 1:10

So ma orasi Una o akeye wodola, de imatodoka wakelelo o dipa ipelenga de o Gikimoi Awi Gurumi iuti imatero maro o namo dara de itangi Unaku.

Matius 3:16

Ma orasi o Yesus wiosi dabolo so o Yordan ma Seleraye asa ka wodolaye, de imatodoka o dipa ipelenga de yakelelo o Gikimoi Awi Gurumi iuti imatero maro o namo dara de itangi Unaku.

Rasul 10:11

Gena una wakelelo o dipa ipelenga de o kia naga koloko o baro ingongoha moi de ma pupuku ihaka o duniaku yasiha,

Lukas 3:21

Ma orasi o Yohanes wibui waasi so kanaga o nyawa waosisi, de o Yesus lo asa wahino la wiosi. Una wiosika dabolo so wosumbayang, de imatodoka o dipa ipelenga,

Matius 4:11

Gila-gila o Iblis magena iloda so o Yesus widongosaku, de imatodoka o bi malaikat yahino so asa Una iwileleanika.

Gogelelo 19:11

De kagena de ngohi takelelo o gogelelo moili tamake kali o soroga ma ngora ipelenga. Kanaga o jara daaare moi de kugena wopapaneku, Una magena wisironga Una Wotetero de Wototiai so aku wipiricaya. Una wahiri itiai o nyawa manga loha de manga dorou ma sopo wafanggali de o loha eko de o sangisara, de lo nakoso o kudoti ma rabaka, o kia naga itiai magena lo Una waaka.

Gogelelo 4:1

Dabolo de ngohi takelelo o gogelelo moili kagena o sorogaka o ngora moi ipelenga. De ngohi o ili ilalamo toise kali maro o trompet yawuwu, de magena itemo, “Hino nodolaye kanena, de asa Ngohi tonisikelelo ngonaka o bi moi-moi o kia bilasu imaaka o orasi ma simaka.”

2 Tesalonika 1:7

De lo nakoso ngini la kanaga o nyawa inisisangisaraka, de nginika gena bilasu Una winifanggali de o loha, so komagena ngini de ngomi lo asa nanga sangisara gena wositogu. De Awi fanggali nginika, magena Una wanako gena igogou daloha de itiaika. O Gikimoi asa o nyawa yangodu manga dorou de manga loha ma sopo wafanggali itotiai, ma orasika done o Jou Yesus wisimane o sorogaka de Una wouti wokahuku, Una dede o malaikat ikokuasa lo so kanaga de o uku ma sora yasigilolino.

Lukas 2:9

So imatodoka de o Jou Awi malaikat moi yahino onaka, de Jou Awi kuasa ma nita isisiru-siru yadisiwi onaka, so ona yosawangi imasidotirineku.

Ibrani 1:14

So nako o bi malaikat ona magena, yangodu o Gikimoi Awi leleani kiaka wasusulo la ona itagi ma ngale o nyawa nagoona done Una wasisalamati gena, ona yaleleani.

1 Timotius 3:16

O dodoto magena o Gikimoi wonasikeleloka, de o dodoto magena lo inasidumu idodooha nanga moi-moi paaka daloha la Una wodupa. So o dodoto magena igogou foloisi ilamo. O dodoto foloisi ilamo, gena ma ngale o Yesus Kristus, Una masirete womasimane maro o nyawa moi, de o Gurumi Datetebi wosigogou Una Awi sininga itiai. De o bi malaikat lo Una wikelelo. De o habari ma ngale Una isihabari o dunia ma batika so o nyawa o dunia ma dokuka lo iwipiricayaka. De asa o Gikimoi Una magena witide o sorogaye de Awi muliaka.

Yohanes 10:1

So kagena ona o Farisi ma nyawaka Una woade-ade wotemo, “O nyawa moi la kanaga o duba ma kurunga ma rabaka wowosa duma ma ngoraka woholu wamote so ka ma kurungaye wadola de wowosa, kanaga una magegena igogou wototosi de wokokoora moi.

Lukas 22:69

Duma ma orasi magena yaadoka, Ngohi o Nyawa ma Duhutu asa tomatamiye o Gikimoi Wokokuasa Awi girinaka.”

Matius 25:31

“Ngohi o Nyawa ma Duhutu manena done ma orasi Ngohi tahino kali, de Ai kuasa ma buturu asa ifoloi de lo Ai malaikat yangodu-ngodu imoteno. Ngohi asa tomatamiye Ai pareta ikokuasa ma kursika.

Yudas 1:14

Kanaga o demo moi ma nabi Henokh wosingongangasu idomaka, gena igogou ma ngale o bi guru ikokulai la kanaga yooho o orasi manena, ona magenaka o Gikimoi done asa wafanggali de o dorou. O Henokh gena o Adam awi dano iuti yakahuku ma para ma butangaku, de una magena lo wotemo, “Igogou-gogou, o Jou asa wahino de Awi malaikat ma dala de ma cala-cala.

2 Tesalonika 1:9

Komagena ona magegena asa manga sopo ma dagali itotiai yamake so yasangisara ma bati lo ihiwa. Ena gena, o Jou Awi simaka ona magena asa watinga de to Una Awi kuasa isisiru-siru ma leto gena yakelelo kawa.

Yohanes 14:12

Ngini nagoona la nidupa nipiricaya Ngohi, ngini magena lo kanaga maro Ngohi taaka, komagena ngini igogou asa aku niaaka. De igogou ngini lo asa niaaka foloisi ilalamo, sababu Ngohi done asa totagi tokahika Ai Babaka, dabolo de aku lo o Gurumi Datetebi wahino nginika.

Yohanes 6:47

O nyawa nakoso kanaga Ngohika ipiricaya, de ona magena igogou o oho ka sidutu ikakali yamake daboloka.

Lukas 24:4

Ona imaoko manga gamamu ma rabaka, de imatodoka kanaga manga dateka o nyawa yasinoto de manga baju ileleto-leto imasitibaku de imaokoye.

Matius 26:24

Igogou, Ngohi o Nyawa ma Duhutu manena asa tosone maro o kia isilelefo o Gikimoi Awi Jaji ma Buku ma rabaka. Duma naguuna woisiiija Ngohi o Nyawa ma Duhutu manena, kodo, o nyawa una magena awi bodito datubuso! Lebelaha o nyawa una magena upa lo wisibuo.”

Yohanes 21:18

Ngona ma orasi nomagohiduurusi gena, ngona masirete aku nomasidailako masirete la kiaka bato ngona nodudupa kagena ngona notagi. Duma igogou, done o orasi ma simaka de ngona asa niperekika, de ngona ani gia asa nosidoaka, ma ngale ani gia gena asa o nyawa yapilikuka de inituda, so ningaho o riho kiaka ngona nodudupa kawa.”

Yohanes 8:51

O nyawa nagoona la kanaga Ai dodoto yosigise, ona magena igogou isonewa.”

Yohanes 6:32

De kagena de o Yesus wosibicara onaka wotemo, “Awalele! O roti magena o sorogano so upa nitemo o Musano, duma magena igogou o Gikimoi idodomaka o Musaka wihike o roti itotiai o sorogano, Una magena wotemo asa winihike nginika.

Yohanes 3:5

So kagena de o Yesus asa wosango unaka wotemo, “Igogou! O nyawa yaaku waasi o Gikimoi Awi pareta ma rabaka iwosa, ka cawali ona nagoona de o ake de lo o Gikimoi Awi Gurumi yasibuo kasi.

Yohanes 16:20

O kia naga asa idadi Ngohika gena, igogou ma cunusi de o bi nyawa o duniaka yanali de imasagaga, duma ngini asa nidodora de niari. Ngaroko to ngini nia sininga ipeleso komagena, duma asa itagali de o more de o nali.

Yohanes 13:16

O nyawa la idadi ileleleani, ona igogou yaakuwa itemo, ‘Nako ngohi de ai tuangi woipopareta, ngohi foloi ilamo,’ magena yaakuwa isibicara. De komagena lo nakoso o nyawa moi de kanaga wisulo awi dodiaoka wotemo, ‘Notagi ai demo naaho de nadedemo onaka,’ so una wotagi wadedemo gena, waakuwa womasihie wotemo, ‘Nakoso ngohi de kanaga woisusulo gena, ngohi masirete foloi tolamo.’

Yohanes 10:7

Mutuwade Una wobicara kali onaka wotemo, “Nako o ngora ma boberesu, la kanaga yapelenga so o bi duba aku iwosa, magena igogou Ngohi manena.

Yohanes 6:53

So kagena de Una wotemo onaka, “Ngohi manena igogou o Nyawa ma Duhutu de ngini gena o oho ma duhutu magena asa niamakewa, ka cawali nagoona la to Ngohi Ai rohe de ngini asa niaodo.

Yohanes 5:27

De lo o kuasa woihike Ngohika, la ma ngale Ngohi aku o nyawa tasisala so bilasu ona dede o Gikimoi imakitinga, de magena igogou Ngohi de Ai kuasaka sababu Ngohi manena o Nyawa ma Duhutu.

Yohanes 5:19

So o Yesus asa wasango ona magenaka, de wotemo, “Ngohi gena maro o Gikimoi Awi Ngopa, so kanaga to Ngohi Ai sininga ma rabaka moi lo ihiwa to Ngohi Ai dupa masirete de taaka, duma manena taaaka gena igogou maro Ai Baba waaaka. Nakoso magena la ka to Ngohi Ai dupa masirete gena, Ngohi taaka toholu, sababu o bi moi-moi o kia bato Ai Baba waaaka done magena lo asa Ngohi taaka.

Yohanes 3:3

Kagena de o Yesus wotemo unaka, “Baba, nakoso kanaga o Gikimoi la igogou o nyawa waparetaka maro o kolano moi, de ona bilasu yasibuo kali.”

Matius 9:6

So Ngohi asa towisiloha la asa ninako Ngohi, o Nyawa ma Duhutu manena, o duniaka tahino de Ai kuasaka la nia dorou tasiapongu.” So wotemo woluluguka, “Nomaoko, de ani dangi naaho la noliho.”

Matius 8:20

Duma o Yesus wosango wotemo, “O boulamo o pongaka de ma aru de lo o namo de ma igu, duma Ngohi o Nyawa ma Duhutu Ai ngihi ihiwa la ma ngale tomasidodogu.”

Yohanes 16:23

Ma orasi ka ma cunu done Ngohi isioho kali de totagi toliho Ai Babaka so ihiwaka, de ngini he idadi kawa o kia naga nigolo Ngohika. So nakoso nigolo Ai Babaka, de o kia bato nigolo de Ngohi Ai ronga, igogou magena asa Ai Baba waaka.

Yohanes 13:38

De Una wosango wotemo unaka, “Nakoso igogou ngona notemo nosanangi nosone ma ngale Ngohi noiriwo, ce, Ngohi tonisingangasu ngonaka, sutusi o toko isore waasi, de igogou ngona asa o nyawa manga simaka nomanosu, notemo Ngohi noinakowa sidago lo ma para ma saange.”

Yohanes 8:58

De o Yesus Una magena asa wotemo onaka, “O Abraham wisibuo waasi, de igogou Ngohi he kanaga dede o Gikimoika.”

Yohanes 8:34

Kagena de Una onaka wotemo, “O nyawa nagoona o dorou yaaka, igogou ona magena asa idadi o dorou yapopareta eko yagogilalo moi, ena gena ona magena asa o dorou yapilikuka.

Yohanes 6:26

De Una wotemo onaka, “Ngini gena upa ka o nonako ihahairani Ngohi taakaka so ngini manena nisari, duma magena igogou ma ngale ka o roti tinisiodo sidago nipunuka, ma sababu kamagena so ngini asa Ngohi nisari.

Yohanes 1:50

Dabolo de o Yesus wotemo unaka, “Ce! Samaloha so Ngohi tonisingangasu, so ngona asa Ngohi noipiricayaka, sababu tonikeleloka ma orasi ngona kagena o ara ma hutu ma golaka. Ngaroko komagena, ngona done asa nakelelo o bi moi-moi ma somoali idadi so done ngona foloisi nohairani.