Yohanes 1:47 - O GIKIMOI AWI JAJI ma BUKU

⁴⁷ De ona itagi so o Yesus he widumuka, de Una asa wotemo o Natanaelka, “Kanaga o nyawa moi una o Israelka ma nyawa, una magena ka wotiai de lo awi siningaka o gulai moi lo ihiwa.”

Yohanes 1:47 Referans Kwoze

Gogelelo 14:5

So ma ngale ona magena ma moi waasi yotodamatoko de lo manga sala moi lo ihiwa.

Roma 9:4

Hika ngini nimasininga o Israel awi ngopa de awi danoku, ona magegena o Gikimoi wotemo maro to Una Awi ngopa masirete, de onaka lo Awi mulia masirete wosimaneka o tona ibobeleuka. Ona de Una lo imatekekajajika, de kagena o Sinai ma Talaka de Awi bobita onaka wahikeka. De ona wadotoka ma ngeko idodooha ona wisuba Unaka, de wajaji Awi laha lo done asa wasidumu onaka.

Roma 9:6

Ngaroko o Israelka ma nyawa gena he yangodu ma Kristus iwiholuka, duma magena upa de ma ngale o Gikimoi Awi jaji onaka gena wasiganapuwa. Sababu Una Awi nyawa wahihiri gena upa he o Israelka ma nyawa yangodu bai!

Yohanes 8:31

So o Yahudika ma nyawa Una wipipiricayaka kanaga o Yesus wadedemo kali, onaka wotemo, “Nakoso ngini niagogou nimasigocoho Ngohi Ai dodotoka gena, ngini asa nidadi Ngohi Ai nyawa imomote.

1 Petrus 2:22

Una Awi sangisara wamoku, maro kanaga o Gikimoi Awi Jaji ma Buku ma rabaka isilefoka itemo, “Una gena o dorou moi lo waakawa, de o damato moi lo wapetowa.”

1 Petrus 2:1

So ngini o oho ka sidutu ikakali niamamakeka. Komagena so bilasu nia dorou moi-moi gena dangodu niapalako. Ena gena, bilasu ngini upa de nia edekati datotorou o nyawaka, de upa nitodamato, de upa nia lade isago de nitemo nia sala ihiwa, komagena lo upa o nyawa niaduhudu de upa niogaka o nyawa manga ronga ma dorou.

Filipi 3:3

Sababu o Gikimoi wotemo upa dede ona magena, duma cawali ngone manena asa maro to Una Awi nyawa ma duhutu. Ngone manena Awi Gurumi wonasiputuru so o Gikimoika poleleani. De ma ngale o Yesus Kristus Awi manara to ngone nanga siningaka so nanga giliri asa posimane. So o bobita o Gikimoino maro o Musa walelefo ma ngale pomasuna gena, upa he papiricaya kali.

Yohanes 8:39

De ona asa Una wisango, “O Abraham gena mia baba.” So Una wotemo onaka, “Nako igogou ngini gena o Abraham awi ngopa-ngopa, ngini nia manara gena bilasu itiai maro o Abraham awi manara.

Yohanes 2:25

Komagena lo ma ngale o nyawa manga sininga gena upa he o nyawa asa iwisingangasu, sababu igogou Una wanako daboloka.

Yohanes 4:16

Kagena de wotemo kali munaka, “Awa! Hika ngona notagi ani roka nowingoso la ngini nikahino kali Ngohino.”