Yohanes 1:45 - O GIKIMOI AWI JAJI ma BUKU

⁴⁵ De o Filipus asa to ona manga dodiao moi o Natanael wimake de wotemo unaka, “He! Ngomi gena miwimakeka Una magena o Salamati ma Kolano, kiaka o Musa de lo o bi nabi-nabi idodomaka gena o Gikimoi Awi Buku ma rabaka isilefoka. Una magena miwikeleloka bai! Una magena o Nazaret ma nyawa moi o Yusuf awi ngopa.”

Yohanes 1:45 Referans Kwoze

Lukas 24:27

Kagena de o Yesus wadoto onaka o bi moi-moi o kia isilelefo o Gikimoi Awi Jaji ma Buku ma rabaka ma ngale Awi oho ma singangasu, ma solano o Musa awi lefoka de sidago o bi nabi manga lefo dangodu.

Matius 2:23

o doku moi ma ronga o Nazaretka igoge. Kagena igoge gena isiganapuka, maro o kia idomaka o Jou Awi demo o bi nabi yalefo daboloka ma ngale o ngopa Una magena, “Done asa o nyawa itemo Una magena o Nazaretka ma nyawa.”

Lukas 24:44

Dabolo de Una wotemo onaka, “Manena o kia naga tinisingangasu nginika, ma orasi idomaka de Ngohi kanaga dede nginisi. O bi moi-moi ma ngale Ngohi, kiaka o Jou Awi bobita o Musa de lo o bi nabi ma somoa isilelefo ma Buku ma rabaka de lo o Mazmur ma Bukuka gena, dangodu bilasu isiganapu.”

Lukas 4:22

Ona isigigise gena yangodu yohairani, de yotemo, “Igogou, Awi demo gena foloi itiai de daloha bai! Duma Una gena ka o Yusuf awi ngopa.”

Yohanes 18:7

Komagena so wotemo kali onaka, “So ngini niahino kanena gena niwisari naguuna.” “O Yesus, Una o Nazaretka ma nyawa.”

Dodadi 22:18

Sababu ngona noisigise Ngohika, so ma ngale ngona, de ani ngopa, de lo ani danoku so o bi bangsa dangodu o duniaka done asa Ai laha yamake.’ ”

Markus 6:3

Igogou! Una manena cawali o tahu woaaka moi, ma awa gena ongo Maria, de Awi nongoru o Yakobus, o Yoses, o Yudas de o Simon. De Awi bira lo kanena igoge so pomasihie moi.” So ona yodupa kawa yoise maro o kia Una wotetemo gena.

Matius 21:11

De o nyawa wimomote gena yosango, “Una o Yesus, o nabi moi o Nazaretno o Galilea ma tonaka.”

Dodadi 49:10

Ngona ani ngopa de ani dano done o nyawa yapareta, ipareta imatoguwa sidago o nyawa moi ngo wahino. Una magena wihiri de wisulo wahino wopareta so o bi doku yangodu lo wisigise ka ka una bai.

Dodadi 3:15

Komagena Ngohi tinisikadanggutu ngona de o ngopedeka muna manena, ngona de muna nia ngopa de lo nia danoku. So to ngona ani ngopa de ani dano asa manga sahe yapiropu de to muna ami ngopa de ami dano asa manga tutuweneka yatudu.”

Rasul 22:8

De ngohi tosango totemo, ‘Ya, Jou! So Ngona naguuna.’ Kagena de o ili magenali itemo, ‘Ngohi manena o Yesus o Nazaret ma nyawa, kiaka ngona noisasangisara gena.’

Rasul 10:38

Ena gena, idodooha o Yesus o Nazaret ma nyawa o Gikimoi Una iwihirika, so wihike o Gurumi Datetebi de lo o kuasa. De wotagi o doku wakokiloli o nonako ihahairani waaka o bi nyawa manga simaka, de o bi nyawa o Iblis yapopareta ona magena lo yadala wasilohaka, sababu o Gikimoi dede Una.

Yohanes 21:2

Kanaga Awi muri yamuruo naga imatolomuno, ona magena o Simon Petrus, o Tomas wisironga lo Wosasago, o Natanael o Kana ma dokuno o Galilea ma tonaka, o Zebedeus awi ngopa yasinoto de lo Awi muri yasinotoli.

Lukas 2:4

Kagena o Nazaret ma dokuka o Galilea ma tonaka de o Yusuf bilasu womajobo. De ma bobai ongo Maria, gena moroheka, muna lo bilasu mowimote, so ona yasinoto imajobo de yotagi ikahie o Yudea ma daeraka, yameta o Betlehem ma dokuka, kiaka ma Kolano Daud idodomaka o doku magenaka wisibubuo. O Yusuf kagena wakahika la manga ronga isilefo de yaeto, sababu una magena awi sihino o Daud awi ngopa de awi danoku.

Markus 14:67

De mowikelelo o Petrus o uku ma dateka womarahu. Muna mowikelelo de mowisibilatu awi jamani, de motemo, “He! Ngona manena lo igogou o Yesus, o Nazaret ma nyawa gena, nowimomote.”

Matius 13:55

Igogou! Una manena cawali o tahu woaaka moi awi ngopa, ma awa gena ongo Maria, de Awi nongoru o Yakobus, o Yusuf, o Simon de o Yudas.

Rasul 26:9

Ngohi totemo komagena, sababu idodoma ngohi masirete lo ai edekati ma rabaka o bi nyawa la o Yesus o Nazaretno iwipipiricaya ona magena bilasu ngohi tasiholu daputuru.

Rasul 3:6

Duma o Petrus wotemo unaka, “To ngohi ai pipi moi lo ihiwa, duma o kia naga ngohika magena tonihike ngonaka. So de ka o Yesus Kristus o Nazaretno ma nyawa Awi kuasa ngohi tonisulo, hie nomaoko la notagi!”

Rasul 2:22

O gianongoru! Tanu niise o kia ngohi totetemo magenena: O Yesus o Nazaret ma nyawa, Una o Gikimoi wisulo la wahino nginino. Magena igogou de itiai, sababu o Yesus waaka nginika o nonako ihahairani, gena winisikelelo o Gikimoi Awi kuasa to ngini nia sidongirabaka. So dangodu magena ngini masirete lo nianakoka.

Yohanes 19:19

De ma gubernur wosulo isilefo to Una Awi sangahadi ma dokuka o galaki ma demo itemo: o yesus o nazaretka ma nyawa o yahudika manga kolano.

Yohanes 18:5

De ona itemo, “O Yesus, Una magena o Nazaretka ma nyawa.” So Una wotemo, “Nako o Yesus, Una magena ka ka Ngohi dabolo.” O Yudas womumukili gena una lo kanaga manga sidongirabaka.

Yohanes 6:42

De ona imatekekasano itemo, “Una magena igogou ka o Yusuf awi ngopa, eko idodooha. Ngone ka panako to Una Awi baba de Awi awa. Ce! De dadoohaso Una aku wobarani sidago lo wotemo, ‘Ngohi gena o sorogano tokahino.’ ”

Lukas 3:23

Ma orasi o Yesus Awi umuru he o taungu moruwange, de Una Awi manara wasolano. Imamote o nyawa manga tagapi, Una magena ma baba o Yusuf, o Yusuf ma baba gena o Eli.

Matius 10:3

o Filipus; o Bartolomeus; o Tomas; o Matius, una o balastengi wototolomu; o Yakobus, o Alfeus awi ngopa; o Tadeus;

Lukas 2:48

La ma baba de ma awa wikelelo Una, de ona yohairani, de ma awa motemo Unaka, “Ce! Ai ngopa, dadoohaso nomiaka komanena! O wange saange dabolo ngomi mia sininga isusa minisari Ngona.”

Yohanes 1:44

O Filipus una magena wogoge o doku moika, kiaka imatero de o Andreas de lo o Petrus manga doku, ena gena o Betsaida ma dokuka.

Yohanes 6:5

So kagena Una de Awi muri-muri igogeku de Una womaginano Awi simaka, kanaga o nyawa manga dala icarawa yahino Unaka, so Una wobicara o Filipuska wotemo, “Awalele! Hika nanano o nyawa manga dala manena, so kekiaka aku o roti poija la ona yangodu pasiodo.”

Yohanes 6:7

De o Filipus wotemo Unaka, “Baba, ngaroko o nyawa manga gaji ilamo de o pipi magena o roti posiija, duma imakaadowa. Ngaroko o roti ma cunu pahike, duma imakaadowa, sababu ona magena yadala poli bai!”

Yohanes 12:21

De ona magena itagi o Filipuska, una magena o Galileaka ma nyawa moi de awi doku gena o Betsaida, so itemo unaka, “Baba, nako daloha, de ngomi miadupa mimakamake de o Yesus.”

Yohanes 14:8

De o Filipus wosano o Yesuska wotemo, “Jou, tanu Ngona nomisikelelo o Baba Gikimoi ngomika, de mia sininga asa igogou danali.”

Lukas 18:37

De ona itemo unaka, “O Yesus o Nazaret ma nyawa nonena wokahino.”