Yohanes 1:43 - O GIKIMOI AWI JAJI ma BUKU

⁴³ De ma goginita noli, de o Yesus wositatapuka asa o Galilea ma tonaka wotagi. So womajoboka, de kanaga o nyawa moi awi ronga o Filipus wikelelo so wiaso, de witemo unaka, “Hino la tanu ngona lo noimote Ngohi.” So una lo o Yesus iwimote.

Yohanes 1:43 Referans Kwoze

Yohanes 14:8

De o Filipus wosano o Yesuska wotemo, “Jou, tanu Ngona nomisikelelo o Baba Gikimoi ngomika, de mia sininga asa igogou danali.”

Matius 9:9

So ma orasi o Yesus kagena de wokahika de wikelelo una o balastengi wototolomu awi ronga o Matius (iwisiaso lo o Lewi) o kantorka wogogeku. Kagena de o Yesus wotemo unaka, “Nahino noimote Ngohi.” Gila-gila o Matius womaoko de wotagi o Yesus iwimoteka.

Yohanes 12:21

De ona magena itagi o Filipuska, una magena o Galileaka ma nyawa moi de awi doku gena o Betsaida, so itemo unaka, “Baba, nako daloha, de ngomi miadupa mimakamake de o Yesus.”

1 Yohanes 4:19

Mutuwade ngone gena aku podupa padodara, sababu o Gikimoi ngone wonadodara idomaka.

Yohanes 6:5

So kagena Una de Awi muri-muri igogeku de Una womaginano Awi simaka, kanaga o nyawa manga dala icarawa yahino Unaka, so Una wobicara o Filipuska wotemo, “Awalele! Hika nanano o nyawa manga dala manena, so kekiaka aku o roti poija la ona yangodu pasiodo.”

Filipi 3:12

De upa sidago ngohi lo totemo, ai sininga ma rabaka imatero maro de ma Kristus Awi sininga gena komagena dabolo. Duma ngohi ai ngale gena, ngohi de ai buturu daasu-asu asa o Yesus Kristus towimote sidago ai sininga idadi maro Una wodudupa, la to Una Awi edekati ma orasi ngohi woihiri de towimote gena kanaga itero de itiai. Maro o nyawa moi la kanaga o gogitina ma rabaka de womagogora daputuru so womatoguwa sidago ma batika waado.

Yohanes 1:28

O bi moi-moi magena imadadi o Betania ma dokuka o Yordan ma Selera ma sonongaka, kiaka kagena o Yohanes o nyawa waosi.

Lukas 19:10

Ma sababu magena, so Ngohi o Nyawa ma Duhutu manena tahino. Ngohi tahino la o nyawa dede o Gikimoi imakitingaka, ona magena tasari de o dorou ma rabano tapalako, maro o duba isisisa tasari sidago tosisalamati.”

Matius 10:3

o Filipus; o Bartolomeus; o Tomas; o Matius, una o balastengi wototolomu; o Yakobus, o Alfeus awi ngopa; o Tadeus;

Yohanes 6:7

De o Filipus wotemo Unaka, “Baba, ngaroko o nyawa manga gaji ilamo de o pipi magena o roti posiija, duma imakaadowa. Ngaroko o roti ma cunu pahike, duma imakaadowa, sababu ona magena yadala poli bai!”

Yohanes 1:35

Ma goginitano, o riho magenaka kanaga o Yohanes de awi dodiao yasinoto, ona magena o nyawa una wimomote manga sidongirabaka.

Matius 4:12

Ma orasi magena de o Yesus wogiise o Yohanes gena wibuika, so Una o Yudea ma daeraka de womasirese wokahika o Galilea ma tonaka.

Matius 8:22

Duma o Yesus wosangoli de ka woade-ade wotemo, “Noimote Ngohi bai! Dohaka, la o nyawa isosoneka ona masirete manga dodiao isosone gena asa yapoosu.”

Yohanes 1:29

Ma goginitano, de o Yohanes una magena o Yesus wikelelo, Una wahino de o Yohanes wobicara wotemo, “He! Nianano! O Gikimoi Awi Duba ma Goho, kiaka Una magena o dunia ma bi nyawa manga dorou dangodu done asa wositagali de to Una Awi rohe masirete.

Yohanes 1:44

O Filipus una magena wogoge o doku moika, kiaka imatero de o Andreas de lo o Petrus manga doku, ena gena o Betsaida ma dokuka.

Yohanes 2:11

O nonako ihahairani manena o Yesus waaka o Kana ma dokuka o Galilea ma tonaka. O riho magenaka de asa to Una Awi nonako-nonako ihahairani gena wosolano waaka. Komagena Una Awi kuasa masirete asa wasimane onaka. So Awi muri-muri magena manga piricaya Unaka gena foloi idogo.

Yohanes 1:37

So yoise komagena, de ona imajobo o Yohanes iwidongosaku de o Yesus wimoteka.