Yohanes 1:42 - O GIKIMOI AWI JAJI ma BUKU

⁴² Dabolo de o Andreas ma ria o Simon wingaho itagi o Yesuska. So kagena ona de o Yesus imakamake, de Una wotemo o Simonka, “Ngohi ngona toninakoka, ngona gena o Simon o Yohanes awi ngopa. De o orasi manena Ngohi asa o ronga moili tonihike so tonisironga lo o Kefas.” (O Kefas gena ma ngale o teto ilalamo de nakoso isiyoyunanika gena, o Petrus.)

Yohanes 1:42 Referans Kwoze

1 Korintus 15:5

Dabolo de Una womasimane o Petruska, de lo Awi nyawa wimomote yamogiowo de sinoto yangoduka.

1 Korintus 3:22

Ena gena, o Apolos, o Petrus, de ngohi lo kanaga o Gikimoi winisitodihike dabolo nginika, la ngomi midadi to ngini nia nyawa minileleani. De Una winisitodihikeka o oho ka sidutu ikakali, so o sone ma rabano aku winipalako. De lo o kia naga o dunia manenaka idadi, bai o orasi manenaka bai lo o orasi ma simaka, gena ma rabaka dangodu Una wositatapu la o loha nidahe nginika. O bi moi-moi dangodu gena idadi to ngini masireteka.

1 Korintus 1:12

De magegena ngohi ai edekati gena, kanaga ngini nia sidongirabaka ma binuka nitemo, “Ngohi o Paulus towimote,” de ma binukali nitemo, “Ngohi o Apolos towimote,” de ma binukali nitemo, “Ngohi o Petrus towimote,” de lo ma binukali nitemo, “Ngohi ma Kristus towimote.”

Galatia 2:9

So o roriri ona magena yamaloka o manara maro o kia kanaga o Gikimoi de Awi laha woihike ngohika. Komagena so ona ngini niahohoromati maro nia roriri foloi yolamo gena, ona de ngohi de o Barnabas lo mimakocoho giaka. La komagena isikelelo ona de ngomi mimatekefakati de mimarimoi maro o dodiao mimomanara, ma ngale ngomi gena mitagi o habari daloloha misihabari o nyawa o Yahudika yasowo de o roriri ona magena yotagi o habari daloloha yosihabari o Yahudi ma nyawaka.

1 Korintus 9:5

Ka daloha de itiai nakoso ngomi mikawi so mia pedeka mopipiricaya muna magena lo mia dodagi ma rabaka mimingaho, imatero maro o bi sosulo ma binuka, de o Jou Yesus Awi nongoru masirete, de lo o Petrus.

Matius 10:2

So o sosulo eko o rasul yamogiowo de sinoto manena to ona manga ronga gena: Ma nonomaka, o Simon (eko wisironga lo o Petrus); de o Andreas, o Simon awi nongoru; o Yakobus, o Zebedeus awi ngopa; o Yohanes, o Yakobus awi nongoru;

Lukas 5:8

Magena o Simon Petrus wakelelo, de gila-gila una wobukuku o Yesus Awi simaka de wotemo, “Jou, noidongosa ngohi! Sababu ngohi o nyawa ma dorou!”

Yohanes 21:2

Kanaga Awi muri yamuruo naga imatolomuno, ona magena o Simon Petrus, o Tomas wisironga lo Wosasago, o Natanael o Kana ma dokuno o Galilea ma tonaka, o Zebedeus awi ngopa yasinoto de lo Awi muri yasinotoli.

Markus 3:16

So yamogiowo de sinoto to ona manena manga ronga gena: o Simon (eko wisironga lo o Petrus);

Yohanes 13:18

O kia naga Ngohi tinidedemo nginika gena nia sininga ma dorou yatiodoka, kanaga tinisidumu duma ningoduwa. Kanaga moi una o nyawa ma dorou, una towisidumuwa, sababu o nyawa nagoona Ngohi tahihirika, ona magena igogou Ngohi tanako. Duma Ngohi tinidedemo komagena, la ma ngale isiganapu maro o kia isilelefo idomaka o Gikimoi Awi Jaji ma Buku ma rabaka itemo, ‘Kanaga o nyawa moi woodo dede Ngohi, una magena done asa womadadi to Ngohi Ai lawangi.’

Lukas 6:14

To ona manga ronga, ena gena: o Simon (eko wisironga lo o Petrus); de o Andreas, o Simon awi nongoru; o Yakobus; o Yohanes; o Filipus; o Bartolomeus;

Galatia 1:18

So he o taungu saange ipasaka, de ngohi totagi takahie o Yerusalemye ma ngale de o Petrus gena mimarinako, de kagena unaka asa ngohi togoge sidago o wange mogiowo de motoha.

Galatia 2:11

Ngaroko komagena, ma orasi ngohi o Antiokhia ma kotaka, dabolo de o Petrus wahino de una asa o sala waaka, so ngohi bilasu o nyawa manga simaka de una towisidapano.

Yohanes 4:16

Kagena de wotemo kali munaka, “Awa! Hika ngona notagi ani roka nowingoso la ngini nikahino kali Ngohino.”