Yohanes 1:3 - O GIKIMOI AWI JAJI ma BUKU

³ De o Demo so o bi moi-moi dangodu aku wosidadika. Ena gena, nako Una wihiwa de o kia naga idadadika moi lo asa idadiwa.

Yohanes 1:3 Referans Kwoze

1 Korintus 8:6

Duma ngone popipiricaya gena ka panako igogou o Gikimoi gena ka womatengo. Una magegena nanga Baba o bi moi-moi o duniaka gena dangodu wosidadadika, de to Una Awi giliri gena kanaga ngone nanga oho ma gaalu. De igogou lo o Jou ka womatengo, ena gena o Yesus Kristus. Una magena o Gikimoi asa wisulo la Una waaka so o bi moi-moi dangodu aku idadi, de lo sababu Una magena, so ngone aku o oho ka sidutu ikakali pamake.

Gogelelo 4:11

“Igogou, Jou, Ngona mia Gikimoi! Ka Ngona notero bilasu nisigiliri de nisihoromati, de lo nokuasa so Ani ronga isilamo. Sababu Ngona gena o bi moi-moi dangodu nosidadi, de to Ngona Ani dupa so dangodu gena idadi de ioho.”

Dodadi 1:26

Kagena de o Gikimoi wotemo, “Ngone bilasu o nyawa paaka de manga jamani positero maro Ngone. Tahike o buturu onaka la asa yapareta o bi haiwani dangodu magena o duniaka, de o bi namo dangodu o ngawa-ngawaka, de lo o bi nao dangodu o teoka.”

Yohanes 1:10

O Demo magena kanaga o duniaka, de ngaroko Una wosidadika o bi moi-moi dangodu o dunia ma rabaka, duma o dunia ma bi nyawa winakowa Una magena naguuna.

Efesus 3:9

O Gikimoi, o bi moi-moi o duniaka wosidadadi, Una magena wodupa la ngohi lo o nyawa yangodu tasingangasu ma ngale idodooha to Una Awi ngale wosiganapu, kekiaka ma nonomaka de wosikelelo waasi.

Dodadi 1:1

Ma solano o Gikimoi wosidadi o dipa de o dunia.

Yohanes 1:2

De o orasi ma nonomaka gena Una asa dede o Gikimoi.

Ibrani 11:3

Komagena lo ngone, ma ngale nanga piricaya, so panako o dipa de o dunia gena o Gikimoi de Awi demo so wosidadika. So de o kia naga pakokelelo waasi magena wosidadi so o bi moi-moi dangodu magena pakeleloka.

1 Yohanes 5:1

Nakoso kanaga o nyawa la yopiricaya igogou o Yesus Una magena manga Salamati ma Kolano, de ona yangodu igogou o Gikimoi Awi ngopa-ngopaka. De lo nakoso o Gikimoi Awi ngopa ona magena la kanaga yodupa ma Baba o Gikimoi widodara, de ona manga dodiao ma binuka lo, ma Baba Awi ngopa-ngopa, ona magena bilasu yadodara.

Gogelelo 3:14

“Bilasu o surati moi nalefo kali de nosidingo o gogobu o Laodikiaka de to ona manga bobaretaka nosingangasu: Ngohi manena o bi moi-moi o Gikimoi wosidadadika dangodu gena ma gola. Ngohi Ai sininga itotiai de itetero, de Ai dodoto ma ngale o Gikimoi tosingongangasu magena lo itetero de lo aku niopiricaya. De o demo manena gena Ngohi tosingangasu nginika.