Yohanes 1:13 - O GIKIMOI AWI JAJI ma BUKU

¹³ Ona imadadi o Gikimoi Awi ngopa-ngopaka gena, imaterowa de o nyawa o duniaka la manga bi ngopa-ngopa yasibuo, mote ma baba awi dupa masirete. Duma o Gikimoi masirete Awi dupa so ona idadi maro to Una Awi ngopa-ngopaka.

Yohanes 1:13 Referans Kwoze

1 Yohanes 3:9

So o nyawa nagoona nakoso igogou o Gikimoi Awi ngopaka, de ona yangodu o dorou gena he yodupa kawa yaaka. Sababu o Gikimoi masirete Awi oho de Awi gogoho kanaga ioho daputuru to ona manga sininga ma rabaka. Ma ngale magegena ona o dorou yodupa kawa yaaka, sababu ona magena ka to Una Awi ngopa-ngopa.

Yakobus 1:18

Ma ngale Una Awi dupa masirete gena, so Awi demo itotiai asa isihabari la Una powipiricaya. De komagena lo ngone asa Una o oho damomuane wonahikeka, so ngone maro to Una Awi nyawa masirete. Una waaka komagena, ma ngale o bi moi-moi dangodu wosidadadika gena o kia naga dangodu to Una masirete, so ngone gena foloi wonadupa.

1 Petrus 1:23

Sababu o Gikimoi waaka, so nia oho damuane koloko asa inisibuo kali. De ngini nia oho damuane gena, upa ma sihino maro o nyawa kiaka bilasu isosoneno, duma o Gikimoi masireteno Una magena woooho wokokakali. De nia oho damuane gena niamake sababu niopiricayaka Awi demo, kiaka o habari ma ngale o oho ka sidutu ikakali, de lo Awi demo magena ikokakali de akuwa itagali.

1 Petrus 1:3

Powigiliri o Gikimoi, Una nanga Jou Yesus Kristus ma Baba. Sababu to Una Awi galusiri gena foloisi ilamo, so nanga oho waaka damomuane koloko asa inasibuo kali. Waaka komagena sidago lo o Yesus Kristus o sone ma rabano wisioho kali, so ngone nanga ngongano gena asa igogou foloisi daputuruli.

1 Yohanes 5:4

De ngone gena o Gikimoi Awi ngopa-ngopaka de inangodu aku o dorou o duniaka magena palawangi, sababu ma Kristus Una magena ngone powipiricayaka.

1 Yohanes 4:7

Ai dodiao tinidododara, ngohi tongongano ngone o bi nyawa yangodu padodara. Sababu o Gikimoi Awi dodara wonahike la ma ngale ngone aku pomatekedodara moi de moika. De lo o nyawa la nakoso kanaga de manga dodara o nyawaka, de ona magena igogou idomaka idadi to Una Awi ngopaka de lo Una iwinakoka.

Titus 3:5

De to ngone nanga dorou Una wapiki de wasisaka, de lo Awi Gurumi Datetebi nanga sininga wamuane so nanga oho damomuane koloko asa inasibuo kali. De upa Una wonasisalamati sababu ngone o moi-moi itotiai paaka, duma Una masirete wonagalusiri ngoneka, so komagena asa Una wodupa ngone wonasisalamati.

Filipi 2:13

Aku niaaka komagena, sababu o Gikimoi Una masirete asa ngini nia sininga ma rabaka womanara so o bi moi-moi maro o kia Una wodudupa magena lo ngini niodupa.

1 Korintus 3:6

Hika ma ngale ngohi gena tomasiade-ade maro o nyawa moi la kanaga o gisisi wodato, de lo o Apolos towisiade-ade maro o nyawa moi la kanaga o ake wosiguguse. Duma o Gikimoi Una masirete asa o gisisi wosioho.

1 Yohanes 5:1

Nakoso kanaga o nyawa la yopiricaya igogou o Yesus Una magena manga Salamati ma Kolano, de ona yangodu igogou o Gikimoi Awi ngopa-ngopaka. De lo nakoso o Gikimoi Awi ngopa ona magena la kanaga yodupa ma Baba o Gikimoi widodara, de ona manga dodiao ma binuka lo, ma Baba Awi ngopa-ngopa, ona magena bilasu yadodara.

1 Yohanes 5:18

Ngone panako o nyawa yangodu nakoso yodadi o Gikimoi Awi ngopa, de ona magena asa o dorou yaaka kawa. Inya! O Gikimoi ma Ngopa Una gena ona wajagaka, so o Iblis asa waaku kawa ona wasitura bai!

Yohanes 3:3

Kagena de o Yesus wotemo unaka, “Baba, nakoso kanaga o Gikimoi la igogou o nyawa waparetaka maro o kolano moi, de ona bilasu yasibuo kali.”

Matius 3:9

De upa lo nia sininga ma rabaka niatagapi de nitemo, ‘Igogou, ngomi manena o Abraham awi ngopa de awi danoku so mia dorou ma fanggali gena miamakewa.’ Komagenawa. Ngohi totemo nginika, igogou de o bi teto-teto manena bato o Gikimoi gena aku waaka o Abraham awi ngopa de awi dano so dadoohawa. Nakoso ngini nimatoba de nimatodubawa gena, bilasu Una asa winifanggali de o dorou.

Dodadi 25:22

Muna ami ngopa gena isago so mosibuo waasi, de ami poko ma rabaka iruwahe sidago lo ongo Ribka motemo, “Dadoohaso bilasu idadi komanena to ngohi ai poko ma rabaka.” De gila-gila muna mogolo o Jou-ka, la Una aku o ngeko de o simodoto womihike munaka.

1 Petrus 2:2

Duma ngini magegena bilasu foloi niodupa o Gikimoi Awi demo nisigise, maro o ngopa asa isibubuoku so kanaga foloi yodupa yosusu. Bilasu niaaka komagena la ngini nia piricaya Unaka gena aku idadi foloisi daputuru, sidago ma dodoguka de ngini magena o Gikimoi winisalamati lo daboloka.

Dodadi 27:33

La ma baba o Ishak woise komagena, de asa una witirine de wotemo, “Ayoo! So naguuna una magena asa woroda wolihono so awi sihode de awi ino damomonge woihike ngohika. Sidago ma orasi ngona noliho waasi de ngohi taodo lo daboloka, de una magenaka togolo so o Jou Awi laha wodogo lo daboloka. So una magena dabolo wodadi o nyawa o Jou Awi laha wamamake.”

Dodadi 25:28

O Ishak wisayangi ifoloi gena woriria o Esauka, sababu awi dupa o wange de ka o sihode waodo. Duma manga awa ongo Ribka ami sayangi ifoloi gena wononongoru o Yakubka.

Dodadi 27:4

De hika nasakahi namonge-monge, maro o sakahi kia ngohi todudupa dabolo de noihike ngohika la aku taodo, ma ngale tosone waasi de aku ngohi togolo o Jou Gikimoi asa Awi laha foloi wodogo ngonaka.”