Yohanes 1:10 - O GIKIMOI AWI JAJI ma BUKU

¹⁰ O Demo magena kanaga o duniaka, de ngaroko Una wosidadika o bi moi-moi dangodu o dunia ma rabaka, duma o dunia ma bi nyawa winakowa Una magena naguuna.

Yohanes 1:10 Referans Kwoze

Yohanes 17:25

Baba, Ngona naaka itotiai bai! Ngona gena o bi nyawa o duniaka ininako itiaiwa. Ngaroko komagena, Ngona gena Ngohi toninakoka, de ona to Ngohi Ai muri-muri manena lo yanako igogou Ngona noisuloka so Ngohi tahino.

1 Yohanes 3:1

We! O Baba Gikimoi to Una Awi dodara ngoneka, gena foloisi ilamo sidago lo wotemo ngone manena maro ka to Una Awi ngopa-ngopa masirete, so ngone manena gena igogou to Una Awi ngopa-ngopaka. Duma ma ngale ngone Awi ngopa-ngopa kanaga o bi nyawa wihoholu ona magena yanakowa, sababu ona magena winako waasi.

1 Korintus 2:8

Awi ngale gena o dunia ma bobareta lo yanakowa. Nako yanako, de o Jou Una wisimuliaka gena idomaka ona magena upa he wisidasangahadika bai!

1 Korintus 1:21

Magena igogou, sababu o dunia ma nyawa o Gikimoi wihoholu, ngaroko ona de manga cawaro, duma yaakuwa o Gikimoi iwinako. Komagena o Gikimoi de Awi cawaro waaka de foloi wodupa la o nyawa, nakoso o habari daloloha ngomi misihohabari gena yopiricaya, de ona magena bilasu wasisalamati. Gena, ngaroko o dunia ma bi nyawa itemo o habari ma demo gena ka cawali o nyawa ifufuma manga demo.

Matius 11:27

O bi moi-moi dangodu Ai Baba woihike Ngohika. O nyawa moi lo Ngohi o Gikimoi ma Ngopa gena inakowa, ka cawali Ai Baba Una magena Ngohi woinakoka. Komagena lo o nyawa moi lo Ai Baba winakowa, ka cawali Ngohi Awi Ngopa manena Una towinakoka, de lo o nyawa nagoona la kanaga Ngohi masirete tadudupa ona magena Ngohi tasinako Unaka.

Ibrani 11:3

Komagena lo ngone, ma ngale nanga piricaya, so panako o dipa de o dunia gena o Gikimoi de Awi demo so wosidadika. So de o kia naga pakokelelo waasi magena wosidadi so o bi moi-moi dangodu magena pakeleloka.

Yohanes 1:18

De o Gikimoi Una magena kanaga o nyawa moi lo waasi ona iwikelelo. Ka cawali o Gikimoi ma Ngopa womatetengo, kanaga ma Baba Awi dateka, Una gena wonasinako o Gikimoi ngoneka.

Yohanes 1:5

De o nita ma duhutu magena o bubutu ma rabaka isiwaka, de o bubutu gena akuwa o nita magena yakoora eko o bubutu gena o nita yanakowa.

Rasul 14:17

Duma igogou Una winiwosawa, so winihike o muura o dipaku de o sopo o tonaye wosioho o musung ma orasika, ma ngale o ino winihike so nia sininga damagawe, de komagena o loha moi-moi waaka ma ngale winisimane nginika igogou Una kanaga dede ngini.”

Yohanes 5:17

De Una wasingangasu onaka wotemo, “O wange isigeto-geto gena Ai Baba womanara sidago lo o Sabat ma wangeka. So Ngohi lo bilasu o wange isigeto-geto Ai manara taaka de akuwa tomatogu.”

Dodadi 16:13

Komagena o Jou womibicara munaka, so muna ami sininga ma rabaka motemo, “Igogou, o Gikimoi ngohi woikeleloka dabolo de ngohi manena aku towikelelo Unaka.” Mutuwade muna motemo, “Jou, Ngona magena toniaso o Gikimoi Ngohi Noikokelelo.”

Dodadi 18:33

Dabolo so manga bicara lo ihiwaka, de o Jou wotagi womajoboka, de o Abraham lo asa woliho awi tahuka.

Dodadi 17:1

Ma orasi o taungu mogiowo de saange ipasaka, so o Abram awi umuru o taungu morisiwo de siwoka, kagena de o Jou womasimane unaka, de wotemo, “Ngohi manena o Gikimoi Wilalamo, so bilasu o moi-moi naakaka imatero Ngohi dede ngona pomarimoika ma ngale ani sininga asa foloi itiai Ngohika.

Yohanes 1:3

De o Demo so o bi moi-moi dangodu aku wosidadika. Ena gena, nako Una wihiwa de o kia naga idadadika moi lo asa idadiwa.

Yohanes 1:11

So Una asa wahino to Una Awi doku masireteka, duma Awi doku ma bi nyawa, ena gena o Yahudika ma nyawa, ona iwiholu.

1 Korintus 8:6

Duma ngone popipiricaya gena ka panako igogou o Gikimoi gena ka womatengo. Una magegena nanga Baba o bi moi-moi o duniaka gena dangodu wosidadadika, de to Una Awi giliri gena kanaga ngone nanga oho ma gaalu. De igogou lo o Jou ka womatengo, ena gena o Yesus Kristus. Una magena o Gikimoi asa wisulo la Una waaka so o bi moi-moi dangodu aku idadi, de lo sababu Una magena, so ngone aku o oho ka sidutu ikakali pamake.

Kolose 1:16

Sababu ka Una magena so o bi moi-moi dangodu idadika, o moi-moi kanaga o sorogaka so dangodu pakokelelowa, de o moi-moi dangodu o duniaka so paaku pakeleloka, komagena o bi gurumi lo dangodu ikokuasa de ipopareta lo. Una gena foloisi wolamoli ma sababu o moi-moi dangodu wosidadi ma ngale Una iwisigiliri.