Yakobus 5:3 - O GIKIMOI AWI JAJI ma BUKU

³ De to ngini nia kaya lo asa isisa, maro o besi lo aku dakeho so ibaka. De lo ma orasika o Gikimoi done asa o nyawa manga laha de manga dorou ma sopo wafanggali, de ngini nia kaya maro o besi dakekehoka gena asa isikelelo ngini gena kanaga de nia salaka. Sababu ngaroko de nia kayaka, duma o bi nyawa isususaka gena niholu niariwo. So de to ngini nia dorou gena nia sininga ma sanangi lo yasisaka, maro o keho asa o besi yabaka sidago lo damata. Gena maro o uku la o kia naga moi patupu so magena lo asa damata. Ngini asa nia kaya niadiahi, ngaroko o Gikimoi asa o nyawa manga sopo wafanggali gena ma orasi he idumuka.

Yakobus 5:3 Referans Kwoze

Roma 2:5

Duma to ngini nia sininga datogoi so ngini niholu nimatoba de nimatoduba, de Una Awi doosa asa foloi idogo-dogo, sidago ma wangeka done Awi doosa wosimane de o nyawa manga dorou dangodu wafanggali itotiai.

Gogelelo 21:8

Duma nakoso o bi nyawa ma dorou, ona magena asa yaumo o uku ma talaga ma rabaku la kagena asa yasidutupu de o walira, de komagena ona magena asa yosone ma sinotoka. O bi nyawa ma dorou ona yaumo gena, nakoso yobaraniwa, duma yoholu o Yesus Kristus wipiricaya daputuru. Ona magena manga manara dangodu datorou, ena gena ona yototooma, ona manga nyafusu datotorou yaaaka, ona igogomahate, ona o kia naga de manga gia isiakaka gena yasuba, de lo ona yatotodamato de hitilahi o manara datotorou yaaaka.”

Gogelelo 20:15

De lo nakoso o nyawa la to ona manga ronga kugena o oho ma buku ma rabaka ihiwa, de ona magena asa yaumo o uku ma talaga ma rabaku la yatupu.

2 Petrus 3:3

De o kia naga foloi ilamo so ngini bilasu niososininga, ena gena ma orasi he yadangade yaado ma Kristus wahino kali de o nyawa asa kanaga la manga nyafusu ma dorou o kia bato magena yaaka. Ona magena lo asa yahino de ngini inigagaka de inisiihe,

2 Timotius 2:17

De manga dodoto ikokulai magegena asa o nyawa ma somoa yamote koloko o panyake manga rohe ma kahika itagi so o nyawa ma somoaka lo ma siri yadahe. De kanaga o dodoto ikokulai yododoto manga sidongirabaka gena o Himeneus de o Filetus lo imasimote.

Dodadi 49:1

So kagena de awi ngopa yanau yamogiowo de sinoto gena yangodu watolomuno. So ona imatamiye de una wobeseso kali, awi ngopa-ngopaka wotemo, “Ai ngopa-ngopa, o bi kia naga moi-moi done idadi de imaaka o orasi ma simaka gena, o orasi manena asa ngohi tinisingangasu de tinidedemo nginika.

Dodadi 31:52

O teto itotopuye de o tugu manena idadi o sosininga moi gena, igogou-gogou o orasi ma simaka ngohi akuwa tatiho o teto itotopuye magena de ai sininga datorou ngonaka. De komagena lo ngona akuwa natilaku de natiho o teto itotopuye magena de ani sininga datorou ngohika.

Gogelelo 17:16

O tadu mogiowo eko o kolano yamogiowo de o haiwani ifofufuru ona magena asa yaaka so o ngopedeka mosusundali gena imidanggutu. So ona asa muna mikoora de lo imiwatoka, sidago ami lake yaodo de o uku misitupu so mihiwaka.

Dodadi 31:48

Kagena de o Laban wotemo, “O teto yatotopuye o wange manena idadi o sosininga de o nonako moi ma ngale ngona dede ngohi.” Ma ngale magegena o teto yatotopuye manena ma ronga o Galed.

Rasul 2:17

O Gikimoi wotemo, ‘O dunia ma dodogu ma orasi he yaadoka, de Ngohi asa o bi nyawa yangoduku Ai Gurumi tahike la wowosa de wopareta. Mutuwade to ngini nia ngopa-ngopa yanau de o ngopedeka asa to Ngohi Ai demo yoise de isingangasu, de nia gohiduuru asa yakelelo o gogelelo Ngohino, de nia dodihimo asa yamake o doguruga Ngohino.