Yakobus 3:2 - O GIKIMOI AWI JAJI ma BUKU

² De ngone inangodu lo o sala idala paakaka. Duma o nyawa nakoso manga bicara ma rabaka o dorou moi lo ihiwa, de ona magena igogou maro o nyawa manga sininga dangodu itiai. Komagena lo nakoso manga bicara dangodu gena aku yapareta, de ona manga sininga dangodu lo aku yapareta.

Yakobus 3:2 Referans Kwoze

Yakobus 1:26

So komagena o nyawa la manga sininga ma rabaka yotemo, “O moi-moi taaaka gena igogou maro de o Gikimoi wodudupa,” duma nakoso manga lade gena yojagawa, so igogou ona masirete imakulai. Komagena so o moi-moi yaaakaka gena dangodu ma faida ihiwa.

1 Petrus 3:10

Bilasu niaaka komagena, sababu o Gikimoi Awi Jaji ma Buku ma rabaka kanaga isilefoka itemo, “Nakoso o nyawa la kanaga yodupa manga sininga de ma nalika ma deka maro yooho kanena o duniaka de lo o loha yamake, ona magena bilasu manga bicara yapareta daloha la upa sidago o demo datotorou eko ikokulai manga uruno isupu.

Matius 12:37

Sababu ma ngale ngini nia demo masirete, so Una asa wahiri nia demo isala eko itiai la ngini de nia sala eko hiwa.”

Roma 3:10

Komagena isilelefo o Gikimoi Awi Jaji ma Buku ma rabaka itemo, “Kanaga o nyawa moi lo yahiwa manga sininga itiai o Gikimoika.

Yakobus 1:4

De lo o sangisara de o susa niamake ma rabaka gena hika ngini niamoku daputuru, sidago ngini ningodu asa nia sininga foloisi daputuru, la dangodu ka itiai de ma kurangi moi lo ihiwa.

Yakobus 2:10

Sababu o nyawa la o Gikimoi Awi bobita dangodu de kanaga ngai moi yamotewa, ngaroko Una Awi bobita ma binuka yaaka daboloka, duma ona magena maro o nyawa ma somoa la o moi-moi dangodu gena yatilakuka.

1 Korintus 9:27

So nakoso to ngohi ai rohe manena gena, ma nyafusu asa tapareta daputuru. Upa sidago o nyawa ma somoa tasihabari daboloka, de ma dodoguka ngohi masirete o hadiah o Gikimoi wosijajajika magena he tamakewa.

Ibrani 13:21

asa ngini winisidailako o bi loha moi-moi dangodu wodogo daasu-asu nginika, la ngini o bi moi-moi maro o kia Una wodudupa magena aku niaaka. Sababu o Yesus Kristus Awi manara nginika, so ngohi togololi tanu o Gikimoi asa o bi moi-moi maro o kia Una wodudupa magena to ngini nia sininga ma rabaka womanara. Tanu Una magena Awi ronga posilamo ka sidutu ikakali. Amin.

Kolose 4:12

O Epafras lo, una gena o nyawa moi nginino, una lo o Yesus Kristus Awi leleleani moi asa awi salam wosidingo nginika tanu nimakamake kali. Ma orasi ngini winisisumbayang gena, dangodu ma rabaka kanaga una awi sininga de ma buturuka wogolo o Gikimoika, tanu ngini asa o moi-moi o Gikimoi wodudupa gena dangodu aku nianako igogou, de o kia naga maro Una wodudupa komagena lo asa to ngini nia sininga ma dupa sidago lo niaaka itiai.

Kolose 1:28

De ma ngale Una ma Kristus gena ngomi misihabari o bi nyawa he yangoduka, bai o Yahudika ma nyawa bai lo o Yahudika ma nyawa yasowo gena, dangodu de mia cawaro ifoloi so miasisitiari de miadoto. La ma ngale o nyawa nagoona de ma Kristus imarimoika, done ma orasika ona magena miasirisima o Gikimoika, de maro ma Kristus wodudupa komagena lo to ona manga sininga ma dupa.

Galatia 3:22

Duma, ngaroko, itiaiwa. We! Kanaga o Gikimoi Awi Bukuka isilelefoka, o bi nyawa ona yangodu o Gikimoi Awi bobita yamotewa, de sidago manga siningaka o dorou yaaka magena ma rabaka akuwa yapalako. So o nyawa nakoso kanaga imamangaku igogou ona yamote yaakuwa o Gikimoi Awi bobita, duma o Yesus Kristus wipiricayaka, cawali ona magena asa o Gikimoi Awi jaji o Abrahamka gena yamake.

Roma 7:21

So ma ngeko komagena imaaka ngohika, de asa tanako nakoso o loha tomode taaka, de kanaga o dorou ma dupa lo ai sininga ma rabaka isigaro.

1 Petrus 5:10

Mutuwade ngini magena bilasu niapiricaya daputuru, sababu nianako igogou ngaroko o sangisara bilasu niamoku, duma ma orasi gena ikuru kawa. Dabolo de o Gikimoi masirete asa nia kurangi moi-moi watiai ma ngale ngini gena niloha kali, de nia sininga wosiputuru ifoloisi, de nia piricaya wositatapu, de wodogo ifofoloi nginika so upa nitura. O Gikimoi asa nia sininga wosiputuru gena igogou, sababu Una Awi sininga magena ifoloisi daloha de Una magegena winiasoka la ma ngale ngini dede ma Kristus nimarimoika, so maro Una komagena lo asa ngini nigoge o horomati yakokoorawa ma rabaka.

Galatia 5:17

Sababu nako o nyawa manga sininga ma dupa de o Gikimoi Awi Gurumi ma dupa gena imatekekalawangi, so ngini gena yaakuwa nia sininga niamote. Igogou! Magena maro o orasi moiku bai o nyawa bai lo to una awi lawangi gena yaakuwa pamote.

Matius 12:34

Icala! Ngini manena o nyawa ma dorou, maro o ngihia gena o nyawaka yagoli. Ma ngale ka o dorou niososininga, so ngini o demo daloloha moi lo akuwa nia uruno isupu. Sababu o kia naga nanga sininga ma rabaka asa nanga uruno isupu.